مدح و میلادیه حضرت امام حسن مجتبی علیه السلام
✍️ زبدة الاشعار ✍️
🆔: @nohe_torki
حاج نادر بابایی
پور علی زاده ی زهرا حسن
شافع محشر شه والا حسن
باب کرم صبریده دریا حسن
منزلت آدم و حوا حسن
باب کرم دست سخا مجتبا
درس سخا اوننان آلار اسخیا
سفره ی جودینده قوناق انبیا
شامل ائدوب لطفینی آقا حسن
یر یوزی دریایه دونوب آنیده
نوح نبی قالدی او طوفانیده
ائتدی توسل ائله بحرانیده
راهبر اولدی اونا اوندا حسن
قالمیشیدی اودلار ایچینده خلیل
پنج تنه اولدی او اثنا دخیل
اود دولانوب اولدی گل وسلسبیل
بیر نظر ائتمیش اودا گویا حسن
موسی عمران یتوب اول قربته
وادی سیناده گلوب صحبته
نورخدا گورسنوب اول حضرته
اولدی همان نخله ی سینا حسن
آز قالوب عیسی اولا مصلوب دار
چونکه توسل ائلدی آشکار
آچدی نجاتون قاپوسین کردگار
چکدی اونی گوگلره مولا حسن
صبریده ایوبی ائدوب شرمسار
صلحی اونون نهضته اولدی مدار
قویدی اونی قارداشینا یادگار
کرب وبلا سرینه معنا حسن
جان کیمی آغوشینه خیرالبشر
گاه حسن گاهی حسینی چکر
بیربیره بنزردی ایکی خوش سیر
آیری حسیندن اولار آیا حسن
بو ایکی قارداشدی ئوزی بیرنما
هر بیری گوشواره ی خیرالنسا
فرق ایکی آدلارینادور حرف یا
یعنی حسینون آدیدور یا حسن
(نادر)ائدوبسن گنه شامی سحر
نغمه ی مرغ سحر ایندی گلر
خوش سنون احوالووه اولسون اگر
ایلیه بو شعرووی امضا حسن
#حسنیه_میلادیه
#پور_علی_زاده_زهرا_حسن
#حسنیه_نادربابایی
#ترکی
✍️ #زبدةالاشعار ✍️
🆔: @nohe_torki
نظر دهید