ساقى نامه
.
#زبدةالاشعار
.
: @nohe_torki
.
مرحوم میرزا محمد تقی قمری
.
پیاله ویر منه اى ساقى جان خمار گلور
توکندى موسم دى فصل نوبهار گلور
.
شکوفه لر آچلوب گلشن فصاحتده
نظام و نظمیلن اشجاره برگ و بار گلور
.
گلوبدى زمزمیه هر طرفده بلبلّر
منیمده باشیمه سوداى عشق یار گلور
.
آچوبدى مرغ خیالیم هواده زرّین بال
غزل جواهرینى ایتمگه نثار گلور
.
چخوب سیاحته صیّاد و طبع موزونیم
غزال شعرى گینه قیلماقا شکار گلور
.
خمار دفعى ایچون ویر شراب صاف زلال
گلن بو مجلس عرفانه هوشیار گلور
.
دوشوبدى باشیمه سوداى عشق شاه نجف
گوگل خزینه سینه درّ شاهوار گلور
.
بو بزم خاصیده یاران على محبّتینه
ایچنده آب طرب جام خوشگوار گلور
.
مى محبّت ایچنلر خماردن آییلور
قولاقه منقبت شیر کردگار گلور
.
على آدى چکیلن دمده سَمع احبابه
که لافتا سسى گوگلردن آشکار گلور
.
بو مجلس فرح افزایه قمرى نالان
هزار شوقیله بى صبر و بى قرار گلور
.
.
.
.
#حیدریه_قمری
#ساقی_نامه
#حیدریه_مدح
#پیاله_ویر_منه_اى_ساقى_جان_خمار_گلور
#ترکی
.
#زبدةالاشعار
.
: @nohe_torki
نظر دهید