پیشوازه چیخ هیئت دلغمینه قارداش #اربعین_زلفی_تبریزی

اربعین
..
..
#سبک
پخش‌کننده صوت

..
..
زلفی تبریزی
..
..
پیشوازه چیخ هیئت دلغمینه قارداش
شامیدن گلوب قبریوه اربعینه قارداش
گور حرملرون قلبیده واردی ابتلاسی
گوش ویر اوجالمیش نوای حزینه قارداش
..
گلدی حرملر یوزده غبار محنت
آشفته حال و پوزقوندی آل عصمت
..
بو سن بو قیزلار قارداش دور ایله رفعت
ایوای یارالی مظلوم ئولن یارالی (۲)
..
..
..
..
زینبم سولوب گور نئجه گلشن و بهاریم
پایمال اولوب جوریله باغ و سایه ساریم
آشکاریدور دیلده کی رنج بیشماریم
پر شرردی باخ گور نه نوعی بو سینه قارداش
..
گلدی حرملر …
..
..
..
..
یوخدی الده چاره ایدوب اقتضا مشیت
زینبه اسارت یازیلدی سنه شهادت
شام و کوفه دن وار حسین غصه لی حکایت
باغریمی نئجه قان ایدوب اهل کینه قارداش
..
گلدی حرملر …
..
..
..
..
قالدی شامیده اهل بیتون خرابه یرده
ناله رقیه منی سالدی اوزگه درده
یاندی شمع و پروانه هم سندی بال و پرده
اوتلانوب دیلیم لحظه واپسینه قارداش
..
گلدی حرملر …
..
..
..
..
نصف شب یارالی باشون آلدی تا قوجاقه
قویدی لبلرین اولزمان یاره لی دوداقه
حیف یانمشیدی دیلی آتش فراقه
قالمامشدی طاقت گل نازنینه قارداش
..
گلدی حرملر …
..
..
..
..
باخدی قان دولان گوزلره قلبی چوخ سیخلدی
قوش مثالی چوخ چرپنوب بندیدن آچیلدی
باش قوجاقدا ویرانسراده یره یخلدی
گوییا اجل پیکی یاتمش کمینه قارداش
..
گلدی حرملر …
..
..
..
..
(زلفی) سن هارا شعر هارا حمد خالق ایله
اهل بیت اوزی پای ویروب لطف ایدوبدی بیله
یوخسا هیچ یاراشمور بو آهنگ سن طفیله
شکر ایله قوشولدون صفوف یقینه قارداش
..
گلدی حرملر …
..
..
..
..
#اربعین
#پیشوازه_چیخ_هیئت_دلغمینه_قارداش
#زلفی_تبریزی
#ترکی
#زبدةالاشعار