زبانحال حضرت صغری (س)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
مشابه
.
مرحوم نادری میانجی
.
شامیدن جده دیوللر یثربه اکبر گلور
ائتگلن گهواره سین حاضر علی اصغر گلور
.
.
دور صفا ویر منزله یغ رختخوابی جده جان
یولّانوب چوخدان دیوللر یثربه بیر کاروان
شهر بطحایه بو گون داخل اولور تخت روان
تا گیدک پیشوازینه عمّه م ملک منظر گلور
.
.
دوت الیمدن بیز گئداخ پیشوازه یثربدن قراق
من گوروم سقّا عمومی بو جماعتدن قاباق
حمد اولا اللهه قورتاردی بو گون هجر و فراق
بیر اوزون قوللی علم الده منه یاور گلور
.
.
جدّه ایندی دل آچوبدور اصغر شیرین زبان
گه رباب آلمیش قوجاقه گه ال اوسته عمه جان
قافله سالاریدور ایندی بابام شاه جهان
او شیرین دیللی سکینمله مه انور گلور
.
.
ایندی عبّاسیم عقاب اوسته گلور قرص قمر
سن اؤزون ام البنینه جدّه جان گل ویر خبر
عون و فضل و جعفرون گلدی سفردن بی خطر
سویله بش اوغلون سلامت ایندی ای مادرگلور
.
.
اکبر و قاسم ویروبله ایندی جدّه ال اله
اکبرین دوستلاری ایندی شهره سالمیش هلهله
گل آچوب گلشن گولنده آخ نه خوشدور بلبله
ویر گوز آیدینلق منه سرو صنوبرلر گلور
.
.
نو عروسین مشعل الده قاسمون الده حنا
نازلی عبدالهیله اکبر اولوب ساقدوش اونا
چون آنام لیلاده حتماً ایلیوب طوی اوغلونا
شاد و خرم هاشم اولادی بو گون یکسر گلور
.
.
شانه ویرمش اکبر ایندی جدّه جان قاره تله
منسیز اکبر طوی ایدوبدور ایلرم گورسم گله
ایندی عمّم له عروسی اگلشوب بیر محمله
شاد و خندان دور سکینه بیر گل نوبر گلور
.
.
«نادری» یاز گورمییدی اول زمانی فاطمه
قالب بی روح اولوبدور خسته جانی فاطمه
گورمسون گوزلر گورنده کاروانی فاطمه
بیر پوزولموش کاروانلا عابد و مضطر گلور
.
.
#حضرت_صغری #نادری
#ورود_مدینه
#شامیدن_جده_دیوللر_یثربه_اکبر_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید