پیکرون انگیزۀ فکر سعادت دورحسین #حسینیه_هادی_تبریزی

حسین منشور عزّت
زبانحال حضرت زینب کبرا علیها سلام
.
#زبدةالاشعار
.
: @nohe_torki
.
مرحوم هادی تبریزی
.
.
پیکرون انگیزۀ فکر سعادت دورحسین
نشر اولان توپراقلارا منشور عزّتدور حسین
.
.
شاهراه عزّته سالار و رهپیما منم
وارث عالی مقام حضرت زهرا منم
شاخص شخصیّت صدّیقۀ کبرا منم
مدرکیم گفتاریمه ساعات غارتدورحسین
.
.
.
نقطۀ دیدیمده قرآندور حسینیم منظریم
پیشبرد نهضت و قرآندا سنسن رهبریم
قویمارام غارت اولونسون وقت غارت معجریم
زینب کبری با جون مافوق عزتّدور حسین
.
.
.
یانموشام ای شمع سوزان شعلۀ سوزانیوه
قونموشام خاکستر ِ پروانه تک دامانیوه
ای منیم جانیم اوزون جان ویر بو نیمه جانیوه
علّت مرگم یقینا درد و مِحنَت دور حسین
.
.
کربلا صحراسی گویا گلستان عشقدور
فاطمه بو گلستاندا باغبان عشقدور
نیزه باشینده کسوک باشون نشان عشقدور
آسمان عشقه خورشید هدایتدور حسین
.
.
کاسۀ صبریم غم و اندوهیله لبریز اولوب
نغمۀ بلبل بوگلزار ایچره شور انگیز اولوب
آتش هجرانیله قلبیم یانوب تب خیز اولوب
بو اودی سوندورماقا سو اشک حسرتدور حسین
.
.
شرح غم یازموش هر اوخ قانیله سطح خاکیده
هر بیری بیر قطعه دور بو دفتر صد چاکیده
زُهریَه بیر سوژۀ غمدور دل افلاکیده
گوئیا شعر فصیحیم پُربلاغتدور حسین
.
.
سن اُولندن بوینوما قید اسارت سالموشام
صبریدن صبریله صبرین اختیارین آلموشام
حاشه لِلّه بو ستمگر دشمنه یالوارموشام
زینبون کاشانۀ مرغ سعادتدور حسین
.
.
ذورق جسمیم سینوب طوفان غم مجروحیم
گر چه بی روحم ولیکن ناخدانون روحیم
ایمدی بوگرداب ایچینده ذورق حق نوحیم
حکمفرما باخمارام دریاده و حشتدور حسین
.
.
روحیمی شاماته گیدسم سنیله قویموشام
جسم و روحیمده اولان جانسیز لباسی سویموشام
آنداولا آللهه قارداش من بو جاندان دویموشام
حالیوون تغییرینه باعث محبّتدور حسین
.
.
“هادی” درمانده شاها گوز تیکوب احسانیوه
قلبده وار دردی ایستور تا یته درمانیوه
وار امیدی شامل اولسون لطف بی پایانیوه
الف قدّی بار غمدن دال قامتدور حسین
.
.
.
.
.
#حسینیه_هادی_تبریزی
#حسینیه_شهادت
#پیکرون_انگیزه_فکر_سعادت_دور_حسین
#ترکی
.
#زبدةالاشعار
.
: @nohe_torki