قلم فریاد ائدر دفتر سیزیلدار …
.
✍️ #زبدةالاشعار ✍️
.
🆔: @nohe_torki
.
علی شهودی
.
حسینین غملی یاسیندا رسول انس و جان آغلار
توکر قان یاشینی گوزدن امیر مومنان آغلار
.
چوخور یئردن اوجالدیقجا نوای وا حسینیم وا
اَلَر اولدوزلارین بیربیر گوزوندن آسمان آغلار
.
ائدَندَه آدمه تعلیم اَمین وحی اَسمانی
حسینین آدینه چاتجاق ائدر آدم فغان آغلار
.
یتنده نوح کشتیلن زمین کربلا اوسته
قاتارخونِ دله اشکین ائدر گوزدن روان آغلار
.
ائدنده کربلادن یاد خضر و حضرت موسی
وئرر بیر حالتی ال کی کلیم اللهه قان آغلار
.
حسینین نورینی گورجک خلیل الله او گون گویده
اولار محزون ائدر زاری آلار تاب و توان آغلار
.
سلیمانین بساطین یئل سالار دشت بلاده چون
حسینین قاتلین نفرین ائدیب اول مهربان آغلار
.
سالار باشه قرا زهرا قورار بزم عزا زهرا
ائدر آه و نوا زهرا او خاتون جهان آغلار
.
گلر کرب و بلا دشتین طواف ائیلر غریبانه
دییر اولموش بو صحراده گلستانیم خزان آغلار
گزر صحرالری محزون سالار محنت لرین یاده
توکر گوز یاشینی دائم یوزه صاحب زمان آغلار
.
شهودی آل طاهانین یازاندا نوحه سین گوردوم
قلم فریاد ائدر دفتر سیزیلدار بی گمان آغلار
.
.
#ورود_محرم #علی_شهودی
#حسینین_غملی_یاسیندا_رسول_انس_و_جان_آغلار
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید