مدح حضرت زینب (س)
.
✍️ زبدة الاشعار ✍️
.
🆔: @nohe_torki
.
رمضانی (خاکی)
.
چمن خلقته بیر عطریلی ریحان زینب
گل گلزار علی زیب گلستان زینب
.
مایه ی فخرو مباهات اولان آل لاهه
پنج تن محفیلینه شمع فروزان زینب
.
آدی زینت اولان عالمده علینون آدینا
آناسی فاطمه تک سرور نسوان زینب
.
عصمتینده آناسی فاطمیه همپایه
نطق و گفتاری اولان چون شه مردان زینب
.
ادب آموخته ی مکتب آغوش علی
صدف معرفته لعل بد اخشان زینب
.
بنذزین قامتی عباسه سخاسی حسنه
همت و صولتی چون شاه شهیدان زینب
.
مکتبه گئتمین اما اولان علامه ی دهر
خلقه تفسیر ائلین آیه ی قرآن زینب
.
رخت تقوانی بیچن قدینه خیاط ازل
یارانان سنگر اسلامه نگهبان زینب
.
مریم و هاجرو سارا، آدینا فخر ائلین
پاسبان درگینه موسی عمران زینب
.
زینب آدلی قیزین عالمده اگرچه سایی یوخ
سن کیمی زینبی حاشا گوره دوران زینب
.
قلم عاجزدی دیلیم قاصر و طبعیم ناچیز
وصفوی نظمه چکم یوخ منه امکان زینب
.
گرگجه گوندوز اوخونسا باشا مشکلدی چاتا
لوح تعریفوه یوخ نقطه ی پایان زینب
.
پای لنگیله سنون درگهوون زائری یم
مور ناچیز منم سنده سلیمان زینب
.
دفتر شعریمی سن پای ملخ ایله حساب
دهیم اولدی منی عفو ایله چوخ ارزان زینب
.
برگه ی سبزی بودرویشیدن آل ذره پذیر
عوضینده منه وئر خلعت شایان زینب
.
یازمنیم آدیمه بیر تذکره شهر دمشق
مرقد پاکوه قیل خاکینی مهمان زینب
.
#زینبیه_مدح
#چمن_خلقته_بیر_عطریلی_ریحان_زینب
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki
نظر دهید