پند و اندرز گریز به قتلگاه
.
#زبدةالاشعار
.
: @nohe_torki
.
مرحوم تائب تبریزی
.
چوخ دوشر زحمته هر کس که سبک بار دَگُل
چکمین بار وفا یار وفادار دَگُل
.
زر بی غشّ عیارین محک ایلر اعلان
لیک قلب اولسا قزل قابل معیار دَگُل
.
باطنی اولماسا بی بهره دی ظاهر سازی
مغز سیز پستیه تک رؤیتی مقدار دَگُل
.
گیدیروب باطله حق جامه سی حق ئولدوروری
حقّ با اینکه بولور قابل انکار دَگُل
.
دوتما یاشیخ بلد مست گریبانیندن
که او پیراهن هشیاردی دستار دَگُل
.
چکمه قاضی ایوینی مست اوزوینه قورخونما
چون که قاضی ایوی جز خانۀ خَمّار دَگُل
.
دیمه مست اولموسان از بس ایتیروبسن یولیوی
یول گیدنده نه گُنه وار یولی هموار دَگُل
.
کِفلینی مسجده چکمه دیمه یات مسجدده
کنج مسجد حرم مردم بدکار دَگُل
.
دیمه ویر بیر نچه دینار ایدوم آزاد سنی
شرع ده حکم ایلین درهم و دینار دَگُل
.
دیمه سوی پالتاریوی ویر ایلیاق جرمه حساب
چوریَن جامه داخی رایج بازار دَگُل
.
دیمه یوخدور خبرون بورکده دوشوب باشیندان
عقل لازم باش آچیقلیق کیشیه عار دَگُل
.
دیمه می چوخ چوخ ایچوبسن سنی چوخ مست ایلیوب
بورا که جای کلام کم و بسیار دَگُل
.
دیمه که حد ورا هشیار گرک مست اولانا
مست ایدوبلر هامونی کیمسنه هشیار دَگُل
.
اولسا هشیار بیلر شهرده مسئول نه وار
شهر مسئولی صد افسوس که بیدار دَگُل
.
دست فرهنگ شَهَرده یارادار فرهنگی
صدر فرهنگده کی کارکن کار دَگُل
.
باطل اللر اوزانوب پرده چکوب حق اوسته
حقّ پس پرده ده پنهاندی پدیدار دَگُل
.
عدلى ئولدورسَلَه هر یرده اولار ظلم پدید
اوندا ظلم اهلینه ظلم ایتماقی دشوار دَگُل
.
عدل ایدر حکم حکومتلر علی وار اولسا
هئچ حکومت اولا افسوس علی وار دَگُل
.
شمر عدل ایتمدی ظلمیله حسین الدوردی
دیموب ئولدورماق او مظلومی سزاوار دَگُل
.
گوردی زینب یخلوب سرو سمنبار على
ایله یورقوندی که آمادۀ رفتار دَگُل
.
قریلوب قول بوداقی یوخدی بدنده باشی
باشینا سایه سالان سرو سمنبار دَگُل
.
دیدی یوخ سن تک اولان کشتۀ بیداد حسین
من کیمی بیر باجی مظلومه دل افکار دَگُل
.
بیچدیلر اگنیمه بوچولده عزا جامه سینی
دهرده من کیمی هئچ باجی عزادار دَگُل
.
شمر غیظیله ورور انجیدیری قزلاریوی
دیه سن بو بالالار عترت اطهار دَگُل
.
آغلینده بالا قزلار دیوری آغلامیون
بیله ده ظلم اولی سوز قابل تذکار دَگُل
.
نازیله بسلَنَن اطفال اولوب اعدایه اسیر
یتَن امداده به جز دیدۂ خونبار دَگُل
.
نیلسون آغلاماسین بیر آتاسیز خردا بالا
آتاسیز آغلاماقا یوخسا که ناچار دَگُل
.
هانسی مذهبده یتیم آغلاسا منع ایللر
بسته هیچ مَذهَبَه بو شمر ستمکار دَگُل
.
گاه سیلی وروری ظلمیله گل یوزلی لره
یوخ دین سیلی سزای رخ گلنار دَگُل
.
سیلی شمر هارا عارض گلنار هارا
جرأت خار ردیف گل بی خار دَگُل
.
گاه زنجیر ورور گردنینه سجّادین
جای زنجیر دیمور گردن بیمار دَگُل
.
آتش عشق حسینه یانا هرکس تائب
روز محشرده یقین همنفس نار دَگُل
.
.
.
.
#پندیات_تائب_تبریزی
#حسینیه_حسینیه_شهادت
#چوخ_دوشر_زحمته_هر_کس_که_سبک_بار_دگل
#ترکی
.
#زبدةالاشعار
.
: @nohe_torki
نظر دهید