دفن شهدا
زبانحال امام سجاد(ع)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی ( ناطقی )
.
کوفه دن بابا قیتدیم غملی بو دیاره گلدیم
تاپشرام وجود پاکون یارلی مزاره گلدیم
.
.
عمّه مین بابا سلامی وار بو جسم نازنینه
اولمادی ایدن حمایت کربلاده دلغمینه
کاش گلمیدی عمم بو بلالی سرزمینه
آه سوزناکی ویردی قلبیمه شراره گلدیم
.
.
ای دوشن یارالی نعشی سرزمین کربلایه
شمر باشوی آیردی ویردی ظلمیله جدایه
قویمادی عدو بو یرده اگلشاخ بابا عزایه
چاره اولمادی الیمده یاندیم آه و زاره گلدیم
.
.
غارته گیدوب پوزولدی خیمگاهوین صفاسی
سالدی عمّمی ایاقدان قتلگاهوین قضاسی
آلدی طاقتین الیندن بو مکاندا دل یاراسی
اهلبیتوی سالوبلار کوفده حصاره گلدیم
.
.
قان آخور ترابین اوسته ذبح اولونموش حنجروندن
ال گوتورمدی جماعت بو یارالی پیکروندن
ساربان نه ایستیوردی قانه باتمش اللروندن
گوزلریم دوشوب اوتاندیم ظلم بی شماره گلدیم
.
.
ئوزدون ال بابا بو چولده جمله یار و یاوروندن
ظلمله آیردی اعدا با وفا کمک لروندن
دویمادون فنا جهاندا شاهزاده اکبروندن
دوغرانان وجوده قربان اولدی پاره پاره گلدیم
.
.
اولمادی بابا توانیم یعنی قان ویرم بو چولده
عون و فضل و جعفرون تک امتحان ویرم بو چولده
توپراق اوسته قان ایچنده منده جان ویرم بو چولده
یتمدیم حضور حقده سیز تک افتخاره گلدیم
.
.
اصغرون بابا فراقی طاقت و توان آپاردی
حرمله الین کمانه لمس ایدوب امان آپاردی
اوخ بوغازنه دگنده اللرونده قان آپاردی
دفن ایدم اجازه ویرسن سنله بو دیاره گلدیم
.
.
آغلیوم دئییم روادور شیرخواره قارداشیم وای
لبلرین امن سوسوزدان بی قرار قارداشیم وای
یاره لی گیدن مزاره کم بهار قارداشیم وای
گون الینده قانه باتدی ظلمله ستاره گلدیم
.
.
ای عزیز جان زهرا صاحب علم هایاندا
افتخار دین و قرآن بسکه محترم هایاندا
بو بلالی عرصه گهده قوللاری قلم هایاندا
ایلیم سلام حضوراً منده دلفگاره گلدیم
.
.
ای دوشن منای عشقه تشنه ذبح اولان یارالی
اهل بیت مصطفانی دیده تر قویان یارالی
گلمیشم قویام مزاره جان یارالی جان یارالی
گون دگور یاران سیزیلدور چکمگه کناره گلدیم
.
.
“ ناطقی “ یانور غمونده دینینه فدا حسینجان
دعوت ایله کربلایه درده آشنا حسینجان
محضرونده خوشدی قورساق مجلس عزاحسینجان
اوردا عرض ایداخ طبیبا ایتماقا نظاره گلدیم
.
.
.
#دفن_شهدا #محمدی_ناطق
#کوفه_دن_بابا_قیتدیم_غملی_بو_دیاره_گلدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید