زبدةالاشعار

چولقیوب عالمی بیر نور منوّر #فاطمیه_نوروزی_نوین

میلادیه حضرت زهرا (س)
بحر طویل – دکلمه
.
✍️ زبدة الاشعار ✍️
.
🆔: @nohe_torki
.
علی نوروزی نوین
.
چولقیوب عالمی بیر نور منوّر
نه تجلادی مُزیّندی او نوریله هامی عالم هستی
نه ضیادور دئیسن جلوۀ جاناندی
ائدوب عالم امکانی مصفّا
بوریوب عطر بهشتی بو جهانی
دل و جانی
بو نه غوغادی که نازلدی ملائک
هامیسی دیلده تهیت
اسوری صرصر رحمت
وئرولوب جنّته زینت
.
.
هامی ذرّات جهان سسلنور ای ختم رسالت
گوزون آیدین که قویوب صفحۀ ایجاده قدم
تاب و توانون
دل و جانون
شرف و عزت وشانون
سنه حق آچدی بوگون باب کرامت
نجه رحمت
نجه عزت که سلف مرسله اولموب بیله بیر لطف و عنایت
.
.
چکیلوب محنته بطلان
بزنوب عالم امکان
گوز آچوب مظهر یزدان
قورولوب عیش اساسی
سنه مرهون اولونوب بیر گل زیبا
شرف اهل تولا
سبب خلقت دنیا
اوزی صدیقه کبری
.
.
آدینی ذکر ائدوری گویده ملائک
که گلوب زهره زهرا
نجه زهرا که جمال اللهه مظهر
صدف هستیده گوهر
گل خوش عطر و معنبر
ایلیوب دهری معطّر
یارادیب حضرت جانان اونی عالملره سرور
.
.
نجه زهرا
نجه سیرت
نجه صورت
نجه قامت
ایلیوب گورنه قیامت
ید خلاق توانا
چکوب اوز نقشینی گویا
یر اوزونده یارادیب آیت عظما
.
.
گورور هر کیم گل بی مثل جمالین
دئیور الله بیله صورت بشر اولماز
بیله دُر و گوهر اولماز
بیله بهجت ثمر اولماز
بو ملاحت
بو جلالت
بو شرافت
بیله شوکت
بو طراوتده چمنده هانی بیر گل اولا بولمز
اولا هم سان و مثالی
.
.
دولوب عالملره آوازۀ شانیله جلالی
قویوب حیرتده هامی خلقی بونون حد کمالی
داخی یوخ خامۀ تقریریده قدرت
یازا وصفین
هانی دیللرده توان تا که بیان ایلیه مدحین
دئیه شانین
دئیه عِزّین
دئیه جودین
دئیه لطفون
دئیه زهدین
دئیه قدرین
.
.
باشا گلمز نقدر وصف اولونا کیمدی بو دردانه احمد
بو قدر وار که بودور فاطمه صدیقه اطهر
بودی محبوبه داور
بودی اسپهر هدایتده اولان بدر منوّر
بودی غمخوار و مددکار علی فاتح خیبر
نه مددکار علی فاطمه دور فاطمه حیدر
بودی کوثر
بودی زمزم
بودی کعبه
بودی مشعر
بودی مروه
بودی عرفان
بودی فرقان
بودی قرآن
بودی جانان
بودی سلطان
بودی دلداده یزدان
هامی درمانده لرین دردینه درمان
بودی جنت
بودی اعلاء
بودی اول
بودی آخر
بودی مبداء
بودی مقصد
.
.
بو «نویندور» اونا نوکر آدینی ذکر ایلین دیللره قربان
که دئیللر گیجه گوندوز ایوین آباد اولا زهرا گل خوش عطر محمد
.
.
.
#فاطمیه_میلادیه
#چولقیوب_عالمی_بیر_نور_منور
#نوروزی_نوین
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  اگر چه اسم حسین زینت منابردور #باقریه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی