راه شام
.
✍️ #زبدةالاشعار ✍️
.
🆔: @nohe_torki
.
مرحوم اعظمی تبریزی
.
چوللری حیران دولانّام
عمّه عمّه گیتمه قالدیم
گه قاچوب گاهی دایانّام
عمّه عمّه گیتمه قالدیم
.
.
جسممی یورموشدی غملر
طاقتیم گتدی دایاندیم
گل کیمی خار مغیلان
سایه سینده دالدالاندیم
عفو ایله یاندیم دیدیم من
تیز اویانّام گئج اویاندیم
بیرده یاتسام تیز اویانّام
عمّه عمّه گیتمه قالدیم
.
.
من او طفلم هاردا یاتدیم
لطف ایدوب گلدون اویاتدون
بولمورم نه باعث اولدی
من یتیمی گوزدن آتدون
گور بابام بیله دیمیشدی
سن منی یاددان چخارتدون
هجره من دلدن تالانّام
عمّه عمّه گیتمه قالدیم
.
.
یتسه غم دین اوسته سانما
خم یتورم قاشه عمّه
بیر بئله درد و مصیبت
گور گلر بیر باشه عمّه
من یول آزمش بیر غزالم
دوشموشم داغ داشه عمّه
بو غمه گور من دایانّام
عمّه عمّه گیتمه قالدیم
.
.
نه منی یاد ایلین وار
نه منه یولداش ویرور سس
نه انیس و مونسیم وار
نه باجی قارداش ویرور سس
سسلینده داده اما
بیر منه داغ داش ویرور سس
سسلنور گلدیم اینانّام
عمّه عمّه گیتمه قالدیم
.
.
گه فقچوب گاهی دایانّام
گه اوتورّام آغلارام من
گه ایاقلاریم سیزیلدار
گاهی سینه داغلارام من
گاهی باشیم معجریندن
بو ایاقه باغلارام من
ایتماتا شِکوه اوتانّام
عمّه عمّه گیتمه قالدیم
.
.
من اوسولموش بیر گلم که
ظلمله سیندی بوداقیم
سسلیوم کیم داده گلسون
بیر کمک یوخدور سراغیم
صاق صولا قاچماقدان آخر
آبله اولدى ایاقیم
بو غمی گور سهل سانّام
عمّه عمّه گیتمه قالدیم
.
.
نیلیوم چارم ندور بس
کیم اولار بو درده حالی
کیمسه امداده یتن یوخ
شرح ایدم من بو ملالی
نابلد بیر لیل یلدا
چول آراسی قیز عیالی
خاره گل تک دالدالانّام
عمّه عمّه گیتمه قالدیم
.
.
من دیمم آغلار یتیمه
آیری دوشسه اؤلکه سیندن
قیز گجه اما قاچاندا
خوف ایدر اوز کولگه سیندن
قورخولی سسلر گلوللر
تا چولون هر گوشه سیندن
آتش وحشتده یانّام
عمّه عمّه گیتمه قالدیم
.
.
بیر آنام زهرا بو چولده
من یتیمی یاده سالدى
اشکیمی سیلدی یوزومدن
تا منی آغوشه آلدی
بوشلادیم زهرا قوجاقین
من یولا دوشدوم او قالدى
قالمادیم که چوخ یوبانّام
عمّه عمّه گیتمه قالدیم
.
.
بولمدوز سیزده و یا کیم
بو یتیمون ترکین ایتدوز
سسلدیم قالدیم نه باخدوز
نه گلوب امداده یتدوز
گه صولا گه صاقه قاچدیم
بولمدیم نه سمته گتدوز
درد و محنتدن اوسانّام
عمّه عمّه گیتمه قالدیم
.
.
آغلورام بیر کس ایشیتمور
من یتیمون آہ و زارین
من دیمم گل اشکیله سیل
یوز گوزوم گرد وغبارین
گوزلرون قربانی بیر دم
لنگه وورسان غم قطارین
باشیوه گللم دولانّام
عمّه عمّه گیتمه قالدیم
.
.
.
قورخورام گلسم دوباره
ملحق اولسام کاروانه
ایلسون تأخیری عنوان
شمر ورسون تازیانه
آغلادور هجران غمی من
نی کیمی گلّم فغانه
رنگ آلامه بویانّام
عمّه عمّه گیتمه قالدیم
.
.
«اعظمی» اولسا نصیبون
شامه گتسن سینه داغلا
تا ایله گوزده مجسّم
بو غمی یولاردا آغلا
بو بالانون دئ دلینجه
گوز یاشون رخساره باغلا
چوللرى حیران دولانّام
عمّه عمّه گیتمه قالدیم
.
.
.
#راه_شام_اعظمی_تبریزی
#چوللری_حیران_دولانام_عمه_عمه_گیتمه_قالدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید