شهادت امام حسن مجتبی(ع)
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیرخوئی
.
چون ساقی زمانه می تلخ ناگوار
جام جهانه توکدی قیلوب دور روزگار
.
دورینده قیلدی زهریله عشّاقی تلخکام
سیرینده ائتدی زمره ی فسّاقی کامکار
.
قیلدی هواپرست لری نفس خودپرست
مست می الست لری عقل هوشیار
.
دوران ز بس که کج کج ائدوب دور دوره ی
ایّامیده قالوب آدی دل لرده کجمدار
.
دنیای حیله ساز کیمی چرخ دون نواز
نیرنگ بازلیقدا قویوب رسم اشتهار
.
هر ناتمیزی رتبه ی عزتده امتیاز
هربیر عزیزی پایه ی ذلتده خوار و زار
.
هر عهدیده عجوزه ی دنیا اوزی کیمی
بد عهد و سست رأیی قیلوب صاحب اختیار
.
امثالینی ائدوب طلقای زمانیدن
پابسته ی حبال حیل دام اغترار
.
دنیا کیمی ویروب اوزینه هند زانیه
آرایش تمامیله مین نقش و مین نگار
.
آمیزش نفوسیله نفسی فواحشه
بالطّبع میل سازش ائدوب اولدی سازگار
.
جمع ایلیوب اجامری دورینده چون مگس
تار هوسده صید لعاب عنکبوت وار
.
واقع اولوب مواقعه سینده منازعه
دعوا طلب بو واقعه ده جمع بی شمار
.
رفع نزاعه نطفه ی زشت معاویه
مخلوط منعقد اولوب اثنای گیر و دار
.
یدّی زنادن اصلی صحیح النسب خلف
قویدی یرینده هند جگر خواره یادگار
.
باغلاندی نطفه سی قاریشوق باغلادی کمر
تا دشمنیِ عترت اطهاره استوار
.
گاهی علی شهادتینه نقشه لر چکوب
گَه قتل مجتبایه چکوب طرح او نابکار
.
گوندردی قدر سودهٔ الماس خفیّتاً
مروانه سرّ مطلبی بولدوردی آشکار
.
مروان او سرّه حالی اولوب آختاروب تاپوب
اؤز مثلی بیر عجوزه ی غدّار و حیله کار
.
محتاله ی زمانه و مکّاره ی جهان
ایثونه نام حیله ده ابلیس روزگار
.
قویدی آرایه مطلبی تطمیع مالیله
راضی اولوب بو مطلب اونا اولدی واگذار
.
تاپدی حرمسرای امامه عجوزه یول
کم کم بنای الفت و ربط اولدی پایدار
.
اَسمانین آلدی رأیین اَله میلین آنلادی
خلوتده تا سوز آچدی که ای سرو گلعذار
.
بلقیس روزگار و زلیخای عصرسن
هانسی گوزلده وار بو گوزللوق که سنده وار
.
دلتنگ اوتورما غنچه تک ای نوشکفته گل
بیر گول جهانی گولماقیلا ایله لاله زار
.
حسرت چکلّه صحبتوه شاهزاده لر
سن بید باغ گوشه ی حسرتده دلفکار
.
آوازه ی جمال و کمال و ملاحتون
مصر و عراق و شامه سالوب صیت اشتهار
.
اوصافیوی یزید ائشیدوب تیر عشقوه
اولموش گوگلدن آهوی وحشی کیمی شکار
.
بو شدّه ی جواهری مخصوص شامدن
شاباش گؤندروبدی سر مویوه نثار
.
اِغوا ائدوب ز بسکه او ملعونه جعده نی
عشق یزیده قلبینی مفتون و بی قرار
.
رسم وفا و مهری فراموش ایلیوب
بیگانه آشنا ایله اغیاره اولدی یار
.
وادار ائدوب خباثت ذات اول خبیثه نین
قتل امامه نَفسینی باالّیل و النهار
.
اوچ مرتبه وئروب حسن مجتبایه زهر
وئردی شفا او سروره خلاق کردگار
.
ابلیس وار او رانده ی درگاه کبریا
دوشدی حریم بارگه قربدن کنار
.
تااینکه‌تاپدی بیرگجه‌فرصت‌یاواش یاواش
خلوتسرای خاصّ امامه قیلوب گذار
.
تخت اوسته تا دوشوب نظری گوردی نازیله
مشغول خواب راحت اولوبدور او شهریار
.
روشندی بزم شمع جمالیله پایه ی
تختینده بیر طرفده یاتوبدور طلایه دار
.
آهسته‌گوتدی باشینین اوستن اؤ کوزه نی
بیر قدر زهر داخل ائدوب اول ستم شعار
.
دوندی سویا او زهر اولوب دیده ی سبو
احوال زار زینب و کلثومه اشکبار
.
ناگاه عارض اولدی عطش خواب نازدن
بیدار اولوب گوز آچدی امام روزگار
.
آلدی الینه کوزه نی بیر باخدی مُهرینه
مُهرین گوتوردی مخزن اسراره مُهردار
.
لاجرعه چکدی باشینه اوّلده لبلرین
یاندیردی دوغرانوب جگر ائتدوقجا زهرکار
.
یاندیردون ای فلک یاناسان قلب عالمی
یاندیرمادی سنی شرر آه شعله بار
.
ووردون نه داغیدی گینه قلب پیمبره
قیلدون او داغیله دل زهرانی داغدار
.
بیر جرعه سو حسیندن ائتدون مضایقه
وئردون سبوئیله حسنه زهر آبدار
.
بی شرم روی ،آب ده قویدون نه آبرو
تا حشر روی فاطمه دن اولدی شرمسار
.
سیراب ایلدون حسنی قارداشی حسین
سو ایچمدی بو نکته ده آیا نه سرّ وار
.
هردم سویا باخاندا قیلوب یاد مجتبا
سرّی بودور کی تشنه لیقی ائتدی اختیار
.
آتش نهاد آبه سالوب آه سرددن
ویردی سویا حرارت انفاسی حکم نار
.
آب وصال تشنه سی میدان عشقیده
دوشموشدی‌قان‌ایچینده چو آهوی زخمدار
.
مشغول راز گرم مناجات چون کلیم
محو تجلیات ظهور جمال یار
.
محسوسیدی هواده دم گرمدن عطش
جاری اولوردی قان یارادان مثل چشمه سار
.
ناگاه گوردی خیمه لر اوسته قوشون گئدر
بیر آچدی قانلی گوزلرین اول معدن وقار
.
سسلندی ای جماعت بی شرم شرم ائدون
آخر عربده غیرت اولور سیزده یوخدی عار
.
قورخوتمیون عیالیمی هر قدر من ساقام
قصدوز منم دگُل بو که قانون کارزار
.
اوّل گلون منیم ایشیمی ایلیون تمام
تا گورمیوم عیالیمی دشمن ایچینده خوار
.
لشگر قیتدی آتلولار آد سالدی اوستونه
قیلدی احاطه دوره نی قرخ مین نفر سوار
.
خنجر عصا قلج الینه نیزه اوخ گلن
ووردوقجا گه یمینه ائدوب میل گه یسار
.
نه حالت سواری و نه حالت قتال
نه قوّتی قولوندا چکه بیرده ذوالفقار
.
گه سسلور اوغلونی کمگه گاه قارداشین
گاهی دولاندیرور نجفه چشم اشکبار
.
زینب الی باشیندا چخوب تلّون اوستونه
قالدی نه حاله حال دل زینب فکار
.
تفصیله یوخ مجال اولور باعث ملال
مطلوبدور«حقیر»به هر حال اختصار
.
#حسنیه_شهادت
#چون_ساقی_زمانه_می_تلخ_ناگوار
#حقیر_خویی
#ترکی
.
✍️ #زبدةالاشعار ✍️
.
🆔: @nohe_torki
نظر دهید