چون گیچدی قرخ ایل عمر رسول انامیدن #پیامبراسلام_ذاکر_تبریزی

مبعث حضرت رسول اکرم(ص)
.
مرحوم ذاکر تبریزی
.
.
چون گیچدی قرخ ایل عمر رسول انامیدن
فرمان گتوردی روح الامین لا ینامیدن
.
ای ذات پاکی علت ایجاد ممکنات
وی مرشد طریقت حق باعث نجات
.
ای نازنین وجودی اولان علت وجود
خلق ایتدی خلقی سندن اوتور خالق ودود
.
سنسن که خلقتونده شها بینظیر سن
سنسن حبیب حق شرف مرسلین سن
.
دور فاش راز قیل که منی ای شه انام
مبعوث ایدوب رسالته خلّاق لاینام
.
دور ای حبیب حق هامی دنیانی شاد ایله
مخلوق ایچینده نام خداوندی یاد ایله
.
ذکر ایله نام حضرت معبودیوی بلند
گر خصمیدن یتیشسه سنه صدمه و گزند
.
اجر جزیل خالق یکتا ویرر سنه
کون و مکاندا عزّت عظما ویرر سنه
.
آلدی لوای حمدی اله اشرف رسل
حمد خدایه آچدی دلین هادی سبل
.
ذکر ایتدی اسم پاک حق لاینامیدن
مبعوث اولوب آیردی حلالی حرامیدن
.
گلدی خدیجه منزلینه نور لم یزل
بیر جامه ایستدی که ایده خواب ما حصل
.
یا ایها المدثر اولوب نازل اول زمان
دور ذاکر اول خدانین آدین خلقه قیل بیان
.
ابلاغ ایله الله آدین اوز نبوّتون
اولسون تمام عالمیانه هدایتون
.
الحق نقدری چکدی بو امّت اذیّتین
یاخشی جهاندا ساخلادیلار پاس حرمتین
.
.