شهادت حضرت علی اکبر (ع)
.
#زبدةالاشعار
.
: @nohe_torki
.
مرحوم قمری
.
چو فرق اکبر شهزاده زخمدار اولدی
جهان غم آتشینه یاندی پر شرار اولدی
.
آچیلدی بوتۀ گل گوئیا زمان سحر
معطّر ایلدی گلزاری عطر بار اولدی
.
سپیلدی برگ گل لاله اوستونه ژاله
اودم که قان رخ گلرنگینه نثار اولدی
.
داغیلدی نقرۀ صاف اوسته دانۀ مرجان
غنیمت ایتماق ایچون مشتری هزار اولدی
.
ریاض جنّت آرا مصطفا جمالینه
نثار گوهر و یاقوت آبدار اولدی
.
قزاردی دورۂ رخسار آفتاب جلال
کسوف قیلدی گھی سرخ و گاه تار اولدی
.
غلط دگول دیسم هر گه یاریلدی قرص قمر
جهاندا معجز پیغمبر آشکار اولدی
.
نه گل نه غنچه نه مرجان نه لاله و ژاله
عبث دیدیم نه گلستان نه لاله زار اولدی
.
بدنده اوخ یاراسی طرفه گللر آچمیشیدی
ریاض جسمینه بیر تازه دن بهار اولدی
.
او شوق وصلیله کیم جنس جنسه مایل اولار
قلج قاشندا قلج گلدی استوار اولدی
.
فروغ حسنینه ویرماقلیقا صفای صفا
بویاندی عارض مهتابی گلعذار اولدی
.
او یاره یاره یتشماقلیقا بهانه ایدی
شهید لاله رخ بزم عشق یار اولدی
.
دم وصاله گرک سرخ رو اولا عاشق
سبب اودور یوزه قان یاخدی رستگار اولدی
.
حضور یاره قرائیله گیتماق ایستمه دی
بویاندى قانه قرا زلفی تابدار اولدی
.
یازیلدی قرمزی قانیله لوح صنع الله
او لوحون اوسته ایکی سطرخوش نگاراولدی
.
حسین ایاقینا هر باش قویولسا تز کسیلور
جزاسی روز ازلدن بله قرار اولدی
.
.
#اکبریه_قمری
#اکبریه_شهادت
#چو_فرق_اکبر_شهزاده_زخمدار_اولدی
#ترکی
.
#زبدةالاشعار
.
: @nohe_torki
نظر دهید