چکلون کناره اوزوم گلیم بالامی مزارینه تاپشوروم #حضرت_رقیه_فغانی_تبریزی

زبانحال حضرت رباب (س) در شهادت حضرت رقیه (س)
.
#زبدةالاشعار
.
: @nohe_torki
.
حاج یحیی فغانی تبریزی
.
چکلون کناره اوزوم گلیم بالامی مزارینه تاپشوروم
اوپوم آنینی بالامون اوزوم بونگاری یارینه تاپشوروم
.
بوخرابه گوشه سی یوخ بوگون بوناغسل ورماقا فرصتیم
ندی چاره غسلونی من گرگ گوزوم آبشارینه تاپشوروم
.
آغاران بو ساچلاریمی کفن ایدرم بو خسته وجودینه
کفنه یوخومدی گمان اگر بونی زلف تارینه تاپشوروم
.
قوری یرده یاتماقا گرچه بونه زماندی عادت ایدوب ولی
بو خرابه یرده بوتوپراقا بالمی مزارینه تاپشوروم
.
بیز آدامسیزوخ بو دیارده هانی قبرینی قازان ای خدا
بونا قبر قازماقی زینبین دل بی قرارینه تاپشوروم
.
سولوب عمرومون گلی ای عجب بو ربابه بیر جه نما قالوب
بو خرابه شامده روحومی بویرین غبارینه تاپشوروم
.
سارالوبدی غنچه گلوم منیم داخی پرپر اولدی زمانه ده
بوخرابه شامده من گرک گلی لاله زارینه تاپشوروم
.
گویرن جمالینی توپراقا قویوب آغلارام بوخرابه ده
که بنفشه مرهم ایده قبول اونی گل عذارینه تاپشوروم
.
دیمورم نه چکدی بالام منیم بوخرابه شامده من گرک
هامی نسگلین بالامون بو مرقد رازدارینه تاپشوروم
.
نقدر اذیت ایدوب بونا بوخرابه شامده شامیان
یورولوب بالام بو مزاریده حق کردکارینه تاپشوروم
.
سینه مین گلی ایکی غنچه گل آلوب اختیاریمی آغلارام
گرک اصغری بوناتاپشوروب بونی شیرخوارینه تاپشوروم
.
چوخ اولوبدی غصه و محنتیم بالاما آنالیق ایده مدیم
آنالیق و هم آتالیق ایده شه تاجدارینه تاپشوروم
.
بالامون مزارینون اوستونه نه بولوم گلوب گیدنی اولار
بورا بیر گلوب گیدن اولماسا اونی رهگذارینه تاپشوروم
.
گله جاقدی مهدی فاطمه او (فغانی ) حقینی آلماقا
بونون انتقامون او حضرتین دم ذوالفقارینه تاپشوروم
.
.
.
#حضرت_رقیه_شهادت
#چکلون_کناره_اوزوم_گلیم_بالامی_مزارینه_تاپشوروم
#حضرت_رقیه_فغانی_تبریزی
#ترکی
.
#زبدةالاشعار
.
: @nohe_torki