زبان حال حضرت لیلا(س) در وداع حضرت علی اکبر(ع)
.
✍️ #زبدةالاشعار ✍️
.
🆔: @nohe_torki
.
مرحوم رجایی تبریزی
.
آلموسان قتلوه فرمان ملوکانه اوغول
دورما تاپشور آناوی زینب نالانه اوغول
.
.
راضی اولمازدی آنان توز دوتا بو زلف سرون
اُپوب ایگلردی علی گل یرینه طُرّه لرون
قالی نه حاله گوره مادر خونین جگرون
بویانوب قانه او تِللر که ووروب شانه اوغول
.
.
آنا بو فکر و خیالیله اوغول بسلر علی
مشکله دوشسه ایشی اوندا اوغول سسلر علی
ظلمله آلسا اَلیمدن سنی ناکس لر علی
یوخدی مونس داخی بو دیده سی گریانه اوغول
.
.
نه امیدیم وار آتایه نه علی قارداشما
سنده گیتسَن اوتوروب آغلیارام اوز باشما
ولی سن باخما منیم گوزدن آخان گوز یاشما
باخ آتا امرینه طاعت ایله فرمانه اوغول
.
.
آتاوین حکمی بوگون واجب الاجرادی سنه
شرحه یوخ حاجتی چون امر هویدادی سنه
بولورم من بو اُلوم بسکه گوارادی سنه
لاجرم صبر ایدرم منده بو هجرانه اوغول
.
.
بو اُلوم چون یتوروور محضر جانانه سنی
ایلوری زینت آنان یولّوری میدانه سنی
گیت اوغول تاپشورورام خالق سبحانه سنی
ویرورم هدیه اوزوم محضر سلطانه اوغول
.
.
گُل یوزون اوخشیور اون دورت گیجه لیق آیه بالا
ابر زلفون سالوب اول مه یوزوه سایه بالا
بسله موشدوم سنی من روز مبادایه بالا
یولّورام ایمدی ولی عرصه میدانه اوغول
.
.
دیمورم گیتمه علی ترک ایله سن بو سفری
گورورم گیتماقوا واردی امامون نظری
اولماسا دینه فدا یوخدی وجودون ثمری
مفتخر دور او کی دین اوسته باتا قانه اوغول
.
.
ویره گر شرع مقدّس منه ده رخصت جنگ
ایتمرم جانیمی بذل ایتماقا بیر لحظه درنگ
گیدر اَلدن بیله گون غفلت اولار مایۀ ننگ
قورولوب سیزدن اوتور مجلس شاهانه اوغول
.
.
امن و آسایش و ناموسی سُوَن دینده قالار
دینه هر کیمسه فدا ویرسه آدی زنده قالار
گیتمسن سن آناوین حسرتی قلبینده قالا
مورچه پای ملخ ویردی سلیمانه اوغول
.
.
آغلاما بسدی گتور باشوی بیر قوی سینمه
اولما راضی دوشه بو بی کس آنان درد و غمه
بوندان آرتوخ آناوین باغرین اوغول قان ایلمه
گَل اوزوم شانه ووروم زلف پریشانه اوغول
.
.
ایتماقا جانوی اوز دینوه قربان گیدوسن
گل دوتوم باشوین اوسته علی قرآن گیدوسن
حیف اولا یوخدی سویوم تشنه لب عطشان گیدوسن
لعنت حق گله بو فرقۀ عدوانه اوغول
.
.
نه «رجائیله» سنی بسله موشم من گیجه لر
چکموشم زحمتوی تا یاتاسان سن گیجه لر
ولی بوندان صورا شغلوم اولی شیون گیجه لر
اود وورار محنت هجرون دل سوزانه اوغول
.
.
.
#اکبریه_رجایی_تبریزی
#اکبریه_شهادت
#آلموسان_قتلوه_فرمان_ملوکانه_اوغول
#ترکی
.
✍️ #زبدةالاشعار ✍️
.
🆔: @nohe_torki
نظر دهید