چک بوغازدان سولی پیکانی حبیبی یا حسین #اصغریه_اقدم_اهری

تسلی حضرت معبود به امام حسین (ع) در شهادت حضرت علی اصغر(ع)
.
.
امیر سفیدی اقدم اهری(عاذل)
.
.
چک بوغازدان سولی پیکانی حبیبی یا حسین
آغلیوب گولدورمه اعدانی حبیبی یا حسین
.
.
حرمله نازک بوغازه ظلمیله بیر اوخ ساچیب
بو همان اوخ دی حبیبیم اوغلووی صود دن آچیب
اصغرین گولدی اوخا اما سنون رنگین قاچیب
یانما چوخ یاندیرما زهرانی حبیبی یا حسین
.
.
ام دی پیکانی بالان توکمه بیله اشک بصر
عاشقه پیکان و پستان بیردی وار فرقی مگر
بیر اوخا خاطر فقط گوزدن سالیب بو صودامر
یاره لی بیر قوری پستانی حبیبی یا حسین
.
.
حرمله قصد ایلیوب تا توکه اوچ قانی یره
بیر اوخی اوغلووی یخدی بیری سقانی یره
بیر اوخی قالدی فقط تا یخا قرآنی یره
حاضر اول قالمیا نقصانی حبیبی یا حسین
.
.
بیر نفر اولمادی ویرسین غنچه نورسه آب
بو همان یاتمیانین دی نجه گور ایلدی خواب
غم یمه زحمتی گیتدی هیچه بیچاره رباب
راضی سالام من او نالانی حبیبی یا حسین
.
.
ایتمه غم اوغلون ئولوب قور بزم رازین یا حسین
وقت گچور برپا ایله راز و نیازین یا حسین
قوی یره دیلسیزیوی باشلا نمازین یا حسین
سیلمه اما یوزده کی قانی حبیبی یا حسین
.
.
محسن دیگردی سانما تحفه احقردی بو
اللرین اوسته حبیبیم غنچه پرپردی بو
ظاهرا اصغردی اما باطنا اکبردی بو
شهدایه واردی رجحانی حبیبی یا حسین
.
.
غم اوخون حسرتیله آز دلِ عالم لره ساچ
تک قالوبسان نه باخ اطرافیوه نه علقمه قاچ
ئولدی دینجلدی بالان آغلاما دای اللرین آچ
قورتولوب چرپنمادان جانی حبیبی یا حسین
.
.
من آدامسیزلارا ای شه بولوسن یارم اوزوم
قارداشین ، اوغلون ئولوب غم یمه غمخوارم اوزوم
سپ گویه قانین بو طفلون من خریدارم اوزوم
یرده یوخ ارزش دوتا قانی حبیبی یا حسین
.
.
قان منیم قانیم دی بیله چکوسن یوز گوزیوه
امتیازین چوخدی، محشرده سوز اولماز سوزیوه
هر کیمی ایستیوسن ایسته باغشلا اوزیوه
سوندور حتی نارِ نیرانی حبیبی یا حسین
.
.
سن منیم سن ایکی دنیا من سنون ای شاه عشق
وار یوخو ویردین منه یاره آچوبسان راه عشق
آدیوا جناتی یازدیم چکمه دلدن آهِ عشق
آهیوه یاندیرما دنیانی حبیبی یا حسین
.
.
نیه آواره قالوبسان سینوی چوخ داغلاما
باشلا اخیامین یولون اشکین عذاره باغلاما
یوخ سوزون اولما ربابه چوخ اوتانما آغلاما
زینبی سسله دی جریانی حبیبی یا حسین
.
.
آلدی بیر رتبه بو چولده سنی بو حاله سالان
خورداجا سنیله اولماز اونی عالم ده آلان
خوش سنون حالیوه که باب الحوائج دی بالان
چوخلی مشکللر آچار آنی حبیبی یا حسین
.
.
یوخ سوزوم گل تک بو چولده یار و انصارین سولوب
دفتر عشقه اگر ایتسن نظر آدلار دولوب
دفتری باغلا اوزون گل، دفترین امضا اولوب
خوردا ال ویردی او امضانی حبیبی یا حسین
.
.
سالدی دلدن گوروم کاری بو یاره بالانی
قولاقیندان قولاقا ایلدی پاره بالانی
رحم ایله باری ربابه قوی مزاره بالانی
اوجادا گورمیه قربانی حبیبی یا حسین
.
.
“عاذلون” خدمت دی قصدی دهریده تا زنده دی
بیر جوان نوکردی اما یازدیقی ارزنده دی
سوزلری چوخ یاندیران دی مهرتک تابنده دی
من بو طبعی ایتدیم ارزانی حبیبی یا حسین
.
.
#اصغریه #اقدم_اهری #اصغریه_شهادت #ترکی