کونلوم اوزونو یورما بو دنیا نیه لازم #پندیات_امانی_اردبیلی

پندیات
.
.
مرحوم حاج اسدالله امانی اردبیلی
.
.
کؤنلوم اؤزونو یورما بو دنیا نَیه لازم ؟
آیدندی بو گون فانیدی ، فردا نَیه لازم ؟
.
فتّانه لرین فتنه سینه اویما آماندیر
بئش گونلوگ اولان دهریده غوغا نیه لازم
.
زندانه سالان یوسفی اؤز غفلتی اولدی
بو دایره ده یوخسا ذلیخا نیه لازم ؟
.
زاهد منه تکلیف ائله ییر شرعیله عُرفی
خیر و شری درک ائتمگه فتوا نیه لازم ؟
.
قسام ازل روزی اگر ائیله دی قسمت
تقسیم بو قسمتلره دعوا نیه لازم ؟
.
بیر مسئله وار عشقیله نفسین آراسندا
کشف اولماسا بو مسئله سودا نیه لازم؟
.
دریای محبتده گرگ غرق اولا عاشق
عشق اولماسا عاشقلره دریا نیه لازم ؟
.
هجرانیله مجنونین آدی دئیرلره دوشدی
مجنونه جنون اولماسا لیلا نیه لازم؟
.
شاید قالا دنیاده بیر آد سندن امانی
دنیاده سنه فخر ائده …امّا .. نیه لازم ؟
.
.
#پندیات
#کونلوم_اوزونو_یورما_بو_دنیا_نیه_لازم
#امانی_اردبیلی
#ترکی
#زبدةالاشعار