کاش گینه نصیبیم اولسون تا حریم کبریانی #حسینیه_عدلی_تبریزی

در مقام حضرت امام حسین علیه السلام
.
.
.
حاج اصغر فرشچی ( عدلی تبریزی)
.
کاش گینه نصیبیم اولسون تا حریم کبریانی
عشق کعبه سین زیارت ایلیوم او کربلانی
.
بو مشیّت خدا دور خالق ایستیوب حسینی
تا گوره قتیل دونان شاه مُلک نینوانی
.
نه جمیل وعاشقانه قان ایچینده اولدی غلطان
باش قویوب ایدوبدی سجده گُستروب حقه وفانی
.
او شهید معبد عشق اودی شاهد شهیدان
هامی عصرونَسله درس دین ویروب چخوبدی جانی
.
وار پیامی قاتیلیندن باشینی کسنده گوردوم
وار دعاسی لبلرینده ایستور حیِّ لامکانی
.
شیعه سین دعا ایدوبدی رستگار اولا جهاندا
بیرده شامل ایله لطفون منله هر شهید اولانی
.
دین قالا یرینده آخدی کربلا چولونده قانلار
قان ویروب دیریتدی دینی ویردی پیروهم جوانی
.
سویلیوبدی مِنّه ذِلّهَ تا اولا شعارمکتب
باش ویروبدی اگمیوب باش قالدی دینی جاودانی
.
اوزمان که تیر دشمن حلق اصغرینی بیچدی
ایلیوبدی مات ومبهوت آند اولا حقه جهانی
.
آیرولاندا خیمه لرده گوز یاشی توکوب حرملر
اوج غمده گوزدن آتدی کون و کُلّ ماسوانی
.
قوی قدم گدای مسکین در شاه جان فدایه
که غنای روح بغیشلور سُیُوری شهی گدانی
.
خادم سفید مو سن (عدلی) سن حسین مُریدی
یاز بو سوزلری اوخونسا قلب لر تاپار صفانی
.
.
#آرزوی_کربلا #حسینیه_مدح
#کاش_گینه_نصیبیم_اولسون_تا_حریم_کبریانی
#ترکی
.
#زبدةالاشعار
.
: @nohe_torki