شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
فلک عکسیدور مدارون بو نه جور و نه جفادور
بو نه محنت و مصیبت بو نه غمدی نه عزادور
.
.
قورولوب بساط ماتم گلو مرد و زن نوایه
توکر اشک دیده آغلار هامی خیرة النسایه
بو عزاده آغلاماخلیق بلی خوش گلور خدایه
ائلیون درست تصور غمی خیرة النسادور
.
.
بئله غم کشیده خاتون گوریسن گوروب زمانه
گتوروب جفای امت اونی روز و شب فغانه
عوض تسلی ثانی اونا ووردی تازیانه
بو نه ظلم بینهایت بو نه جور و نه جفادور
.
.
ائلین زماندا رحلت بو جهاندن پیمبر
تاپوشوردی اهلبیتین هامی امته مکرر
عجب ائتدیلر محبت اوسرا گروه کافر
گورون آل مصطفایه بئله ظلمیلر روادور
.
.
گھی ظلم الیله یاندی در خاتم نبی یین
گھی سیندیروبلا زهرا قولونی او قوم بی دین
گھی شاه لافتایه ال آچوبلا از ره کین
بو نه صبریدور او شه ده او لعینده نه حیادور
.
.
قولی باغلی پابرهنه سر پاکی بی عمامه
آپاروبلا بیعت ائتسون او شقی خاص و عامه
فی الحقیقتا گراندور بو ستم شه انامه
اوگون اولمادی دین بیر بو وصى مصطفادور
.
.
گینه باتدی غملی گوگلوم غم و محنت و ملاله
سالی شاه کربلانون غمینی بو غم خیاله
گلون ایلیاخ بوگون بیز او شهه دویونجه ناله
چون اولوب قتیل العبره او ذبیح من قفادور
.
.
هانی بیر نفر جهاندا وئره تشنه جان حسین تک
قوری پرده جسمین عریان قویا کوفیان حسین تک
سر پاکی کوللر اوسته اولا میهمان حسین تک
او باشا به نوعی ذلت نئجه شیعه لر روادور
.
.
گتوروم بو ظلمی بولمم نئجه یاحسین بیانه
وار حیاتیم آغلارام قان او جفای ساربانه
قولی باغلى آل طاها گئده شامه یانه یانه
بئله دستگیر دشمن اولان هانسی بینوادور
.
.
اوگون اولمادی بو عالم نیه بس خراب یارب
قولی باغلی بزم عامه باش آچوخ گئدنده زینب
نئجه محو اولور گوگولده وار حیاتیمیز بو مطلب
اولو طاق صبر و طاقت بو جفا نئجه جفادور
.
.
#سبک_سو_یوخومدی_قزلاروندان … 5 سبک
.
.
#فاطمیه_شهادت
#فلک_عکسیدور_مدارون_بو_نه_جور_و_نه_جفادور
#ترکی
.
✍️ #زبدةالاشعار ✍️
.
🆔: @nohe_torki
نظر دهید