عشق حضرت امام حسین (ع) به خداوند عالم
زبدة الاشعار
: @nohe_torki
مرحوم ثریا تبریزی
کتّاب عشق ، عشق کتابین عیان یازوب
هر نکته سینده عاشقه بیر امتحان یازوب
ظاهرده عین غیبی بلائیله دولدوروب
باطنده هر مقامینه چوخ عزّ و شان یازوب
تشبیه ایدوبدی عشقی کمیت مصیبته
چوخ تیز رودی عاشقه صبری عنان یازوب
بَشِّر هُما الذّین اصابت مصیبده
قرآنیده پیمبره امری عیان یازوب
عشق عالمین قبول ایلین باش و جانیله
اوّلده شاه عشقی خدای جهان یازوب
یعنی حسین حضرت زهرا عزیزینی
کربُ بلا چولینده ویره امتحان یازوب
یتمش ایکی شهیدی سچوب ویردی امتحان
بزم وصاله دعوت ایدوب میهمان یازوب
قربانلارین جوانینی عنوان کتبده
شبه رسول اکبر تازه جوان یازوب
لازمدی اوخشیان دوه استونده لیلینی
شامین یولوندا اکبرینه نوحه خوان یازوب
آهو دالینجا حرمله صیّاد اولوب گزر
بلمز شکارین اکبر شیرین زبان یازوب
بیر اوخدا چون بلوب ایده جاقدور ایکی شکار
اوچ شعبه لی خدنگیله چاچی کمان یازوب
عبّاس قولارین قلم ایلوب دوشن کیمی
آخدوقجا قانی عشقینه شرح و بیان یازوب
بیر آهنیکه جوهری فولادیدن آلار
خنجر قویوبدی شمر آدینی جانستان یازوب
قاتل پیمبر اوغلونا هنگام قتلیده
شهرتدی شمری، اصلیده اما سنان یازوب
خلقتده تپراقین گوتوروب قتلگاهیدن
آخرده بیر چوخور یر او شاهه مکان یازوب
قسمت ایدوبله حضرت پیغمبر ارثینی
خنجر دمیله رقعه سینی کوفیان یازوب
قرعه چکوبله بجدله بیر بارماقی دوشوب
شمره باشینی اللرینه کوفیان یازوب
نه باشی وار نه اللری وار عضو ناقصین
آلِ رسوله مایۀ آه و فغان یازوب
خط حقیقتی بدنیندن قلح پوزوب
خط مجازی جسمینه نوک سنان یازوب
قالسون قم اوسته جسمی، ولی نوک نیزده
قران ناطقین باشی ویرسون اذان یازوب
قوشلار گوروبدی کرببلاده یر آختارور
بیر پاره پاره خیمه تاپوب آشیان یازوب
اما نه آشیان قوری یر آب و دانه سیز
زینب کیمی او قوشلارا بیر پاسبان یازوب
دؤزمز بلوب همان گیجه نی فاطمه گلوب
تک قویمیوب عم اوغلو سینی همزبان یازوب
رحمی گلوب حسینه گوروب آج سوسوز قالوب
همّت ایدوبدی خولی اؤزین میزبان یازوب
حرمت ایدوبدی کوللرین اوستونده یر ویروب
سو گوز یاشین غذاسینی صد حیف قان یازوب
ایلوب حسین سلسله سین بند سلسله
هشتاده دین اسیر دمشقه روان یازوب
تخمیر ایدوبدی بیرده «ثریّانی» آهیله
لطفاً قبول ایلسه لر روضه خوان یازوب
شه درگهینده رسمیدی بیر پاسبان اولار
شادم گورم آدیمی سگ استان یازوب
#حسینیه_مدح
#حسینیه_شهادت
#کتاب_عشق_عشق_کتابین_عیان_یازوب
#حسینیه_ثریا_تبریزی
#ترکی
: @nohe_torki
نظر دهید