کوچ از کربلا
زبانحال حضرت لیلا (س)
.
✍️ زبدة الاشعار ✍️
?: @nohe_torki
.
مرحوم عباسقلی آقا باکیخانوف (قدسی)
.
کربلا، ساخلاگیلان نعش علی اکبریمی
وئریرم چون که امانت سنه گول پیکریمی
.
یوخدی چون لیلییِ بیچار‌یه غم خوار دلیل
آتشین آهیله گؤز یاشیم اولور خاکه سبیل
چارم اولسیدی اگر قویمازیدیم خار و ذلیل
سایه بان ایلریدیم نعشه قرا معجریمی
.
دوتدی خورشید جهانتابیمی ظلمات جفا
اولمادی بیرجه بو بازاریده صرّاف وفا
اولدی چون قانینه غلتان دُرِ دریای صفا
تؤکرم عارضیمه لؤلؤءِ اشک تریمی
.
نئجه بس قانینه غلتان گؤروم قامتینی
گؤرمدیم حجله ده، صد حیف، قمر طلعتینی
سالمادیم قامت رعناسینا طوی خلعتینی
آلدیلار چونکی الیمدن بو وفا پروریمی
.
کؤنلومی تیره نشان ایلدیلر فرقۀ جنگ
یاغیدیب چرخ کمان گلشنه باران خدنگ
صفحۀ سینه سینی گوستری زخم ایلدی تنگ
ائتدیلر قانینه غلتان بو ملک منظریمی
.
قوللارین تیغ جفاییله قلم ائتدی عدو
جاریدور سرو سهی ناز ایاغیندان هو
وئردی جان آب فرات اوسته، ولی ایچمه دی سو
رجعته ساخلاگیلان شیر غضنفر فریمی
.
دوتاجاق محفل «قدسیده» عزا روح الا‌مین
اولاجاق حشره کیمی نوحه سرا روی زمین
سالدیلار عرش صفادن یئره چون فرقۀ کین
ظلمیلن شمس منیری قمر و اختریمی
.
#کوچ_کربلا
#اکبریه_شهادت
#کربلا_ساخلاگیلان_نعش_علی_اکبریمی
#عباسقلی_آقا_باکیخانوف
#ترکی
.
✍️ #زبدةالاشعار ✍️
?: @nohe_torki
نظر دهید