#پیام_نهضت_کربلا
.
✍️ زبدة الاشعار ✍️
.
🆔: @nohe_torki
.
مرحوم سید حسین کهنموئی( #ریاضی_تبریزی )
.
.
#سبک_زینبم_جان_اوستیم … 4 سبک
.
کربلاده آچدی دین استادی دانشگاه دین
ایتدی عاشوراده دانشگاهی قربانگاه دین
.
.
نشر اولان موقعده دانشگاه دین برنامه سی
قید اولونموشدی مسلم کربلا هنگامه سی
قانیله امضاء ومهراولموشدی پایان نامه سی
وارد اولسون هر او دانشجو اولا آگاه دین
.
.
بیلمیون تنها یزیدی ظالم و شهوت پرست
تولیوب چوخ پست فطرت مردمی دنیای پَست
ایستیبوبدور چوخلاری بنیان دین اولسون شکست
دورۀ اردیبهشت دین اولا ، دیماه دین
.
.
صدمه دینه اُولمیوب قوم خیانت پیشه دن
ایستدی هر کس که قازسون دین درختین ریشه دن
پیس نتیجه آلدی آخرده بو پیس اندیشه دن
تیشه سی اوز ریشه سین قازدی آپاردی چاه دین
.
.
رسم دنیادور چخوب هردوره ده بیر بُوالهَوس
اهل حقّی قویمیوبدور چکسون آسوده نفس
باطله شیطان کمک دور حقّه الله داد رس
محو اولار باطل جهاندا شاد اولار دینخواه دین
.
.
دین اسلام اوّلیندن دین سعی و اجتهاد
حفظ دیندن اوتری بو دینده قویولموشدی جهاد
مسلمینی خانه ویران ایتمسین بیگانه یاد
خالی اولسون اَجنبیدن خانه و درگاه دین
.
.
ملّت اسلام و قرآن ملّت بیدار اولار
بسترغفلتده یاتمازعاقل و هوشیاراولار
ایلمزمحتاج اوزین کُفّاره مرد کار اولار
دشمن دیندن آلانمار گاو خرمنگاه دین
.
.
کیم دیور اسلام ایدوبدور اختراعاتی حرام
هاردا واردی جزء دستورات دینده بو کلام
جنگه گیتمه یات سنی ساخلار خدای لاینام
دینه توهیندور بوسوز، بو سوزایدرگمراه دین
.
.
دین ایدر روح دفاعی ملّتینده تقویت
دین دیورغفلتده یاتماق دور بیوک بیرمعصیت
ایلیون اولادوزی آینده عصره تربیت
پیروان حقّه تا هموار اولونسون را ه دین
.
.
هانسی دانشجوی دین تقوا لباسین گیمسه
هانسی بیرعالم عوامی یوخلادوب لایلای دیسه
خلقه دین ئورگدمسه مال امام آلسا یسه
خیر خواه دین اولا بولمز اولار بد خواه دین
.
.
هر گون عاشورادی هر یرکربلادی بر ملا
غیرت دینی اولان مثل حسین دینه فدا
ظالم بیدین یزید بی حیادن بی حیا
گرچه تزویریله ویرسا خیمه و خرگاه دین
.
.
کربلانون وقعه سی دنیایه عبرت نامه دور
مکتب حُرّیّته روزانه بیر برنامه دور
حق گورن گوزلر گورر دین اوسته نه هنگامه دور
قتلگاه کربلا دور خلقه گردشگاه دین
.
.
دین سیزون ای اهل دین ثروت سیزون نعمت سیزون
اولمیون بیچاره ، استقلال و حرّیّت سیزون
دین یولوندا سعی ایدون کوثر سیزون جنّت سیزون
مؤمنین دور هر ایکی دنیاده عزّ و جاه دین
.
.
طالب حقّ و حقیقت مال و جانیندن گچر
غافل اولماز بیر دقیقه حقّی باطلدن سچر
قاتلی باشین کسنده ویرمه سوقان ایچر
ابر خون آتدّا خسوف ایلر درخشان ماه دین
.
.
کهنموئی دین گلوب دنیانی آباد ایلسون
برلوق زنجیر آچسون خلقی آزاد ایلسون
هانسی بیدین ایستیوبدور دینی بر باد ایلسون
نچّه گون مهلت ویروب محو ایلیوب الله دین
.
.
این اشعار در سال 1342 بعد از قیام 15 خرداد سروده شده و همان سال در بازار تبریز توسط جناب حاج محمد حسین عبد یزدانی خوانده شد
.
.
#پندیات
#حسینیه_مدح
#کربلاده_آچدی_دین_استادی_دانشگاه_دین
#ترکی
.
✍️ #زبدةالاشعار ✍️
.
🆔: @nohe_torki
نظر دهید