سلام بر حسین
#اربعین
.
✍️ #زبدةالاشعار ✍️
.
🆔: @nohe_torki
.
علی نوروزی نوین
.
کربلاده کسیلن باشی لب عطشانه سلام
گون قباقیندا قالان پیکر عریانه سلام
.
کربلاده سو یانیندا سووا حسرت باخانا
سو کنارینده سوسوز قانینه غلطانه سلام
.
کربلاده باجیسی زینبی چوخ آغلادانا
زینبی هجری ائدن دیده سی گریانه سلام
.
کربلاده ره جانانیده جاندان گیچَنه
گوندرن اَوّل علی اکبری میدانه سلام
.
کربلاده اوجابوی قارداشی شرمنده اولوب
نهر علقمده باتان پیکری القانه سلام
.
کربلاده سودامر اصغره سو ایستینه
آغلادان دشمنی اُول سرور دورانه سلام
.
کربلاده شرر ظلمه یانان خیمه لری
خیمه لر ایچره قالان عابد نالانه سلام
.
کربلاده قیزینون دامنی اوتدا یانانا
پا برهنه قاچان اُول خار مغیلانه سلام
.
کربلاده او یانان خیمه ده بزم مُحنه
وای حسین وای دئینه غملی نوا خوانه سلام
.
او چوخور یرده دوتان شام غریبان بالیا
سینۀ شَهده یاتان دختر نالانه سلام
.
ساربانی گیجه یاری الی بوش ائتمینه
معدن جود وسخا منبع احسانه سلام
.
پیکری یرده قالوب باشی گیچن نوک نیه
دولانان شهر لری نیزده سلطانه سلام
.
کوفده آیه قرآنی حجازی اوخیان
قانلی لبدن چیخان اول آیه قرآنه سلام
.
تازه دن کوفده بیر یاره ویروبلار باشینا
داش یاراسیندان آخان صورته اُول قانه سلام
.
دیر ترسایه گیدوب نیزه لر اوستونده باشی
راهبی واله ائدن مظهر یزدانه سلام
.
راهبه دینینی تبلیغ ایلیوب مُسلم اولوب
او یارالی باشا هم تازه مسلمانه سلام
.
شام یولارینی چوخ محنتیله طی ایلین
آج سوسوز ناقه لر اوستونده کی طفلانه سلام
.
ناقه اوستن ییخلوب یولدا قالان نازلی قیزا
یاندیران سوزلریله قلبی هراسانه سلام
.
کاروانی یارالی باشیله لنگ ایلینه
نیزده اوز بالاسی حالینه سوزانه سلام
.
پشت دروازه ساعتده دوشن قافلیه
قول قولا باغلی قالان خیل اسیرانه سلام
.
شامیده بزم شرابه قولی باغلی گیدنه
توکولن غملی یوزه زلف پریشانه سلام
.
شام ویرانه سینی منزل ائیدن قافلیه
اوجالان کُنج خراباتیده افغانه سلام
.
باش قویوب توپراقون اوستونده یاتان خسته لره
او یانان قلبلری آتش هجرانه سلام
.
دل شبده یارالی باشیله صحبت ایدَنَه
اَریین پیکری اُول شمع شبستانه سلام
.
جان ویرن گوشه ویرانده نازلی بالیا
قوری توپراقه دوشن پیکر بی جانه سلام
.
عمه سی دفن ایلدی جسمینی چوخ حسرتیله
درد ومحنتدن اولان قامتی چوگانه سلام
.
کاخ ظلمی او خانیم آهیله ویران ایلدی
اود سالان آهیله بو عالم امکانه سلام
.
تیغ صحبتله قیران قید اسارت رَسنین
دختر شاه نجف مظهر ایمانه سلام
.
کعبۀ دل یولونی باشلیوب آغلار گیدنه
زائر قبر حسین شاه شهیدانه سلام
.
کربلایه یتیشوب تاپدی حسین مرقدینی
زینبوندن دئدی بو مرقد جانانه سلام
.
اربعین موسمیدی قبریوه زوّارم حسین
باغبانا اولا بو غملی گلستانه سلام
.
قبر شش گوشه ن حسین زینبی مبهوت ایلیوب
ایاقون آلتدا یاتان سرو خرامانه سلام
.
آلموسان جان کیمی آغوشیوه سن اصغریوی
سینوین اوسته یاتان غنچه خندانه سلام
.
ای #نوین دیلده اگر کرب و بلا عشقی وارون
دئنه زینب عوضیندن شه خوبانه سلام
.
.
#سلام_بر_عاشورائیان #حسینیه_حسینیه_مدح
#اربعین_نوروزی_نوین
#کربلاده_کسیلن_باشی_لب_عطشانه_سلام
#ترکی
.
✍️ #زبدةالاشعار✍️
.
🆔: @nohe_torki
نظر دهید