کربلا سندن ئورک داغلی پریشان گیدورم #کوچ_کربلا_حسینی_زنجانی

کوچ اسرا از کربلا
زبانحال حضرت زینب (س)
..
..
..
..
..
حسینی زنجانی
..
..
..
..
..
کربلا سندن ئورک داغلی پریشان گیدورم
گوزی یاشلی آتامون شهرینه مهمان گیدورم
..
..
..
..
..
اون گون اولدوق سنه مهمان بیزی قیلدین غمه توش
ئولدوروب شاهیمزی عترتین ایتدون قارا پوش
شمع اقبالیمیزی ایلدون عالمده خموش
قوناقا ایتدون عجب حرمت شایان گیدورم
..
..
..
..
..
کربلا سنده امامت قمری ایتدی افول
تشنه لب دوغرادی زهرا بالاسین قوم جهول
یارالی جسمینی پامال ایلدی سمّ خیول
اولدی گل تک بدنی زینت میدان گیدورم
..
..
..
..
..
آل اطهاری بلا تیرینه آماج ایلدین
ناز پروده لری خوش گونه محتاج ایلدین
یاندیروب خیمه و خرگاهیمی تاراج ایلدین
ایلدین خانۀ امّیدیمی ویران گیدورم
..
..
..
..
..
باغلادین چاره یولون عترت طاها یوزینه
سویولون کسدون حسین زادۀ زهرا یوزینه
باخاجاقسان نیجه بیرده شه بطحا یوزینه
رنج محنتدن اولوبدی ئورگیم قان گیدورم
..
..
..
..
..
آخدی اوز باشینه نهرون سویی دشت و دمنه
ولی رحم ایلمدون بلبل غنچه دهنه
ویرمدون سو بیر ایچیم اصغر شیرین سخنه
عاقبت ایلدون اوز قانینه غلطان گیدورم
..
..
..
..
..
قتلگاهی دولانور ایندی گوزی یاشلی رباب
آختارور سود امرین آغلور اولور قلبی کباب
باخور حسرتله فراته سوورور باشه تراب
آنان ئولسون دیور ای مرغ خوش الحان گیدورم
..
..
..
..
..
ظلمیله سولدی بو چولده گل و گلزار حسین
بویانوب قانینه یتمش ایکی انصار حسین
غرق خون اولدی سو اوستونده علمدار حسین
ئولدى سقا بالالار قالدی لب عطشان گیدورم
..
..
..
..
..
اولمادی کوفه نون اهلینده وفا سنده صفا
گون قباقینده قالوب پیکر شاه شهدا
دفن ایدم ویرموری مهلت منه بو قوم دعا
قبرینون اوسته ایدم ناله وافغان گیدورم
..
..
..
..
..
سنه تاپشوردوم امانت او گل احمریمی
عونیله جعفریمی قاسمیله اکبریمی
قولسوز عباسیمی عبداللهیله اصغریمی
حلقنی پاره لیوب زهریلی پیکان گیدورم
..
..
..
..
..
جان سنون کرب وبلا جان بو غریق محنون
باشی دالدان کسیلن عاشق خونین بدنون
یاره لی جسمی قالان یرده تن بی کفنون
سنون امیدیوه قالدی شه خوبان گیدورم
..
..
..
..
..