زبانحال حضرت لیلا (س) در وداع حضرت علی اکبر(ع)
.
.
#سبک_یارالی_جان_یارالی … 4 سبک : کربلا منتظر ماست … لایلای ای سینمون اوسته … شهریاریمسن آقا …
.
.
حاج احمد احمدی (جوان)
.
.
عزم ایدوبسن گیده سن ایندیکی میدانه على
قوی دولانسون باشوا لیلى یانا یانه على
.
.
گیتمه بیر لحظه گلوب لیلى دولانسون باشوا
آغلاما لیلى فدا گوزدن آخان گوز یاشوا
دود دلدن چکرم سرمه هلالی قاشوا
یاخشی زینت اولا شایسته دی قربانه على
.
.
سن وجاهت فلکنده مه انورسن اوغول
صورتاً حضرت پیغمبره بنذرسن اوغول
خَلقاً و خُلقاً و نطقاً اونا مظهرسن اوغول
دعوتون وار گیدوسن محفل جانانه على
.
.
یموشم خون جگر سن تک اوغول بسلموشم
سسلین وقتاه سنی من علی جان سسلموشم
ایندی بو دشت بلاده بالا بی کسلموشم
دوزه بیلمور دل لیلا بیله هجرانه على
.
.
عمروم اولسا نقدر ناله و افغان ایدرم
دیمرم دردیمی پیر کیمسیه پنهان ایدرم
شانه تک قلبیمی هجرانیده شان شان ایدرم
مرهم اشکیم اولاجاق بو دل شان شانه على
.
.
وار یری بار غمون قدّیمی چوگان ایلسون
سن گیدندن صورا کیمدور منه احسان ایلسون
دردیمه بیر نفر اولماز علی درمان ایلسون
آنان حسرت قالاجاقدور داخی درمانه على
.
.
گجه گوندوز سحر آخشام یوزه گوز یاش الرم
باشوین آردیجا عریان دوه اوسته گلرم
دوشرم چوللره آواره دولانّام ملرم
سنون عشقونده دئسونلر منه دیوانه على
.
.
عمروم اولسا نقدر اگنیمه قاره گیرم
صورتون گوزده مجسّم ایلیوب دیندیررم
اوخشارام آغلارام هر سوز باشی ایوای دیوم
بیر سنق نی کیمی من عاشقم افغانه على
.
.
فخر ایدردیم علی من کوکب اقبالیمدون
اهل یثرب آرا سن مایۀ اجلالیمدون
من اوچاردیم بو امیدیله پر و بالیمدون
یولدی ایندی پریمی بالیمی بیگانه على
.
.
باخما حسرت آناوا توکمه گیلن اشک یوزه
مجمر عشقدم دوندرمه یانان قلبی کوزه
من کیمی کیمدی سنون تک بالاسیندان ال اوزه
دم هجرینده ورا تللرینه شانه على
.
.
بو جوان حازم سربازه شریک غم اولوب
خاطری گوردی پریشاندی اونا همدم اولوب
دوستی عالمی عالمده عجب عالم اولوب
سنون عشقون گوروب احمدی زنجانه على
.
.
.
.
#اکبریه #احمدی_جوان #ترکی #زبدةالاشعار #اکبریه_شهادت
نظر دهید