#عاشورا_گونی
.
✍️ زبدة الاشعار ✍️
?: @nohe_torki
.
حاج مجید امینی
.
کربلا قانیله چون دریا خروشاندور بوگون
یوم عاشورادی عرش و فرش گریاندی بوگون
.
کربلاده یاز قلم مین دورت یوز ایل بوندان قاباق
کفریله اسلام آراسیندا دوشوب جنگ اتّفاق
شاد اولار روحی حسینون، خوار اولار کفر و نفاق
کفر محو اولسون شعار هر بیر انساندور بوگون
.
یوم عاشورادی گویا امر ایدوب ربّ جلیل
گیت خبر ویر عرشیمه چکسونله قاره جبرئیل
کوفیان ایلر حسینی سو کنارینده قتیل
ساخلیان ماتم حسینه حیّ رحماندور بوگون
.
بیر طرفده صف چکوب آماده دور اشرار دون
ری هواسیله گلوب جنگه عمر سعد جنون
بیر طرفده کربلا شاهی او دارای شئون
دشمنه ایلور نظر تکبیر گویاندور بوگون
.
پرچم اسلام اسور یتمیش ایکی سربازی وار
لشکر آگهدور حسین سربازینون اعزازی وار
حجتُ الله دور حسین ابن علی، اعجازی وار
اُلماقا عهد ایلیوب تسلیم پیماندور بوگون
.
گر اشاره ایلسه یر گویده قالماز بیر نفر
ضرب شمشیریله ایلر عالمی زیر و زبر
لیک جانیندن گیچر قویماز یته دینه خلل
ذرّه جه فکر ایلمز دشمن فراواندور بوگون
.
سعدین اوغلی لشکره فرمان ویروب باشلاندی جنگ
امرینه تابع اولان آلدی اله تیغ و خدنگ
یاغدیروبلار اوخلاری اول فرقۀ بی نام و ننگ
اولمادی بیر کس دییدی بو نه عنواندی بوگون
.
شاه دینون لشکری اولدی مهیّای وغا
هر بیری شمشیر الینده جان به کف صاحب وفا
ابن سعده کربلا شاهی بویوردی گوئیا
تک به تک جنگ ایلماقلیق امر شایاندور بوگون
.
لشکر سعداوغلی تدریجاً ایده ایستور نکول
چون گورولّر حجّت اللهی دوروبدور دل ملول
گوردی یوخ چاره ایدوب سعداوغلی شه امرین قبول
تا ابد چرخ فلک بو حکمه حیراندور بوگون
.
اولدولار تابع امامین ویردیقی فرمانینه
یوز قویوبلار چوخ شهامتله اُلوم میدانینه
سالدیلار اوّل قدمده لرزه دشمن جانینه
بو شهامت گوسترنلر دینه قرباندور بوگون
.
بیر اشاره ایلیوم یتمیش ایکی عشّاقیدن
مرحبا صوتون آلوبلار هر بیری آفاقیدن
اولدولار ملحق حسینه، خوش بیله الحاقیدن
جایگه بو عدّیه فردوس رضواندور بو گون
.
جنگ ایدوب یاران شاه کربلا فرداً به فرد
گورمیوب چشم جهان تا حال ایله بیر نبرد
هر بیری میداندان ایلردی گلن ابطالی طرد
سسلنردی شاه بو جنگ دلیراندور بوگون
.
آل هاشمدن گلن اکبر اولوبدی پیشرو
باخمادی صف صف دوروب دشمن عقب یا که جلو
آتش شمشیریله سالدی او میدانه الو
کیم نظر سالدی دیدی ماه درخشاندور بوگون
.
بو جوان حمله ایدردی گه صاقا گاهی صولا
بکر گلدی اکبر اُلدورسون، یخلدی توپراقا
جانین آلدی قویمادی بکری ایاقه دورماقا
باخمیوبدی صاحب شمشیر برّاندور بوگون
.
شه باخوب میدانه تحسین ایتدی اوغلی اکبری
سویلدی شاد ایلدون بو چولده بو بی یاوری
هم منی شاد ایلدون هم لیلیِ غم پروری
دوره وی یکسر آلانلار خصم و عدواندور بوگون
.
بو مصاف ایلردی غفلتدن ووروبلار بیر یارا
باشی منشقّ اولدی ناگه قان آخوب توپراقلارا
دوشدی آتدان توپراقا یعقوب ظلمیندن صورا
گل دیدی بابا وجودیم غرق پیکاندور بوگون
.
آخِر عمریمدی دینیمدن حمایت ایلرم
ای ولیّ امریمیز سندن اطاعت ایلرم
اولسا هر امرون بویور حتماً اجابت ایلرم
قورتاروبدور فصل وصلت وقت هجراندور بوگون
.
سن چراغ آفرینش سن که خاموش اولماسان
سن اگر اُلسنده عالمده فراموش اولماسان
سنده وار صبر امامت سن که بیهوش اولماسان
آغلاسان مسرور اولان بو قوم بطلاندور بوگون
.
سالدی زینب هر ایکی اوغلون اُلوم میدانینه
عاشقه نه مانعی واردور بویانسون قانینه
سالدی بو نورس جوانلار خوف دشمن جانینه
درس آلوبلار بیر آنادان فخر نسواندور بوگون
.
بیر جوان چخدی کنار خیمه دن یوزده نقاب
یوز دوتوبدی لشکره گویا بیله ایتدی خطاب
قاسم ابن مجتبایم، جنگه واردور منده تاب
بو عمومدور رهبریم سلطان دوراندور بوگون
.
قاسمم من قاچمارام هرگز بو جنگ سختیدن
من شهید اولسام شکایت ایتمرم بو بختیدن
اذن ویرسه رهبریم سالّام یزیدی تختیدن
شاهدیم بو الده کی شمشیر و میداندور بوگون
.
ایله بیر دعوا ایدوب لشکر دیوبدی مرحبا
بیر طرفده شه آچوبدور اللرین ایلور دعا
یوز بقیعه دوندروب سسلور برادر مجتبی
اوغلیوی گل گور نظیر شیرّ غرّاندور بوگون
.
هر کیمیله جنگ ایدوبدور ایلدی نقش زمین
گورمیوب بو سنّیده مثلین سماوات و زمین
عاقبت نامردلردن نچّه سی ایتدی کمین
نطقیدن دوشدی گوروبدور قانه غلطاندور بوگون
.
خیمه ده سسلندی زینب هارداسان قارداش حسن
توک منیم تک قبریده سنده یوزه قانیاش حسن
اوغلیوی گل پاره پاره ایلدی اوباش حسن
یتماقا فیض حضوره چوخ شتاباندور بوگون
.
چون حسینون لشکری یتمیش ایکی گلفامیدی
پیر اولا یا که جوان هر تک تکی ضرغامیدی
واریدی بیر پهلوان عبّاس صاحب نامیدی
صولت عبّاسیدن کفّار لرزاندور بوگون
.
#عاشورا
#کربلا_قانیله_چون_دریا_خروشاندور_بو_گون
#مجید_امینی
#ترکی
.
✍️ #زبدةالاشعار ✍️
?: @nohe_torki
نظر دهید