کرب و بلاده عترت پیغمبر آغلادی #ورود_محرم_شایق_تبریزی

مصیبت حسینیه (ع)
.
✍️ #زبدةالاشعار ✍️
.
🆔: @nohe_torki
.
مرحوم ملا غفار روضه خوان ( شایق تبریزی )
.
کرب و بلاده عترت پیغمبر آغلادی
آچدی باشینی زینب غم پرور آغلادی
.
زمزم توکوب سرشگ گیوب کعبه رخت غم
کوه صفا و مکه و هم مشعر آغلادی
.
لیلا سالاندا قدّ علی اکبره کفن
جبریل باشیدن گوتوروب افسر آغلادی
.
چخدی سکینه ناله و شوریله خیمه دن
ایله چکوب فغان که علی اکبر آغلادی
.
سویلردی طوى لباسی سنه اولمادی نصیب
گیمه کفن ، آنام گوتوروب معجر آغلادی
.
عباسی سالدیلار یره آتدان چو اشقیا
معناده ایله حالتینه حیدر آغلادی
.
آتدان یراوسته دوشدی چو سلطان کربلا
یر تیترشوب زمین و زمان یکسر آغلادی
.
کرسی و عرش و لوح و قلم ، بحر و هم سمک
خورشید و ماه، تار اولوب، اختر آغلادی
.
خنجر قویاندا شمر نبی بوسه گاهنه
گرچه او حلقی کسدی ولی خنجر آغلادی
.
زینب گورنده شمر چکوب خنجر جفا
بیر آه چکدی اوندا که عالم لر آغلادی
.
گاهی بقیعه یوز چووروب گه نجف ساری
چکدی فغان و ناله او دم صفدر آغلادی
.
گه قتلگاهه قاچدی او دم شور شینیله
یوز دوتدی شمره سسلدی اول مضطر آغلادی
.
قوی باشینی دیز اوسته آلوم باغلیوم گوزین
رحم ایله بو غریبه که ، کافرلر آغلادی
.
آچدی گوزینی اوندا شه کربلا حسین
بیر سوز دیدی که شمر ستم گستر آغلادی
.
گیت خیمیه باجی گوزیمی باغلادی آنام
باشیم دیز اوسته آلدی بابام حیدر آغلادی
.
آهو صفت اوچولده فغان ایتدی اهل بیت
اول ناله دن او گونده جهان یکسر آغلادی
.
«شایق» بو ماجرانی داخی ایلمه بیان
عالم شراره دوتدی ، قلم اخگر آغلادی
.
.
.
#ورود_محرم #شایق_تبریزی
#حسینیه_حسینیه_شهادت
#کرب_و_بلاده_عترت_پیغمبر_آغلادی
#ترکی
.
✍️ #زبدةالاشعار ✍️
.
🆔: @nohe_torki