کمنده سالدی سنی ابتلا نه نم لای لای #فاطمیه_انور_اردبیلی

زبانحال حضرت زینب(س)
در ماتم مادرش
.
#زبدةالاشعار
.
: @nohe_torki
.
مرحوم انور اردبیلی
.
کمنده سالدی سنی ابتلا نه نم لای لای
یومولدی گوزلرون ای مبتلا نه نم لای لای
.
کنار مرقد پیغمبره گیدوب حَسنین
بالالارون سنی ایلور دعا نه نم لای لای
.
حضور حقّه اوجالدوبدیلار نیاز الینی
هر ایکسی سنه ایستور شفا نه نم لای لای
.
گیدنده چوخ نگران گتدی هر ایکی قارداش
آخوردی اشک لری برملا نه نم لای لای
.
ایوه گلنده اولار من گرک قباقه چخام
سنی سورومشسا ایکی دلربا نه نم لای لای
.
حسن حُسینه دیوم من نجه باشوز صاق اولا
چتندی کشف اولا بو ماجرا نه نم لای لای
.
عمامه سین ایکی اوغلون گُتورسلر باشدان
ایکی قزوندا گرک باش آچا نه نم لای لای
.
وفاتوه تله سوردون مراموه چاتدون
بو ایوده قالمادی سنسیز صفا نه نم لای لای
.
حیات تلخ باشا چاتدی یاتموسان شیرین
همیشه لیکدی یوخون بی نوا نه نم لای لای
.
اجل یتیمه لروندن نه تئز آیوردی سنی
جوانیدون هله ای با وفا نه نم لای لای
.
هُما مثالی کوسوب کهنه آشیانوندن
سنق پریله گیدورسن هارا نه نم لای لای
.
فدک قباله سی تک عمروین قباله سنی
پارالادی نجه دست جفا نه نم لای لای
.
قاپون یاناندا سنون عمر گلشنون یاندی
خزان ظلمدن اولدون فنا نه نم لای لای
.
آتام علینون ایوین یخدی بیحیا قنفذ
نه گتدی باشوه ای با حیا نه نم لای لای
.
غلاف خنجریله وردی جسموه قولووا
بروز ایدوب عمل ناروا نه نم لای لای
.
اوجالدی اَندی او بی شرم و ظلمکارین الی
مزاره چکدی سنی پابپا نه نم لای لای
.
آلشدی گل بدنون شمع شعله بار کیمی
اَریدی عضولرون جابجا نه نم لای لای
.
یوزینده سیلی یری قول سنق قابورقا سنق
نمای صورتی پوزقون نما نه نم لای لای
.
شهیده سن سنی بی رحم قُنفُذ ئولدوردی
آتاما جانوی ایتدون فدا نه نم لای لای
.
سنون کیمی یاراشقلی جوانه بانودن
قوری سوموکدی قالان بی نوا نه نم لای لای
.
بو ایکی آی یاریم عمری نه زجرلر چکدون
باشووا گلدی سنون هر بلا نه نم لای لای
.
قیامته کیمی دردون اگر کتابت اولا
محالیدور اولا حقّون ادا نه نم لای لای
.
فلک منی ایلدی بش یاشندا بختی قرا
اَلَندی باشمه گردِ عزا نه نم لای لای
.
هزار حیف اوزومدن بیوک باجیم یوخدی
بلالی باشیمه سالسین قرا نه نم لای لای
.
اَجل گلوب منی ده راحت ایلیه ایکاش
قفسدی زینبه بو غم سرا نه نم لای لای
.
سنیله دفن ایلیه زینبی آتام باهم
گوزلدی یاتسا آنیلا بالا نه نم لای لای
.
قوجاقه آل منی قبرونده محسنون یرینه
قزیوی ایتمه اوزوندن جُدا نه نم لای لای
.
باشمی سینوه من قویمارام چوخ اینجیه سن
او سینه ده بُلورم وار یارا نه نم لای لای
.
نه لُطفی واردی بو عمرون جهاندا چوخ یاشیام
منیمکه دردیمه یوخدور دوا نه نم لای لای
.
قوتارمیان غم و درده نجه دوام ایلیوم
قاباقدا واردی هله کربلا نه نم لای لای
.
.
#فاطمیه_انور_اردبیلی
#فاطمیه_شهادت
#کمنده_سالدی_سنی_ابتلا_نه_نم_لای_لای #آخرین_یادگار
#ترکی
.
#زبدةالاشعار
.
: @nohe_torki