توبه حر بن ریاحی
.
.
محمدی هشترودی ( ناطقی )
.
.
گلدیم قاپوا قوماگلان شاه شهیدان
حرّون اولا جانی آقا جان جانوه قربان
شرمنده قوناقم
رحمتدن اوزاقم
.
.
اولادوی سالدیم یانورام دام بلایه
لطفیله نظر قیلگیلا بو بخت قرایه
زهرا آناوین خاطرینه ائتمه گلایه
معذورم اوتاندیرما داخی ائتمه پشیمان
شرمنده قوناقم رحمتدن اوزاقم
.
.
محبوب خدا وارث طاها سن حسین جان
فرزند علی زادة زهرا سن حسین جان
آرامش جاندرده مداواسن حسین جان
قوماز قاپوسوندان قوناقین عون ضعیفان
شرمنده قوناقم رحمتدن اوزاقم
.
.
سالدیم خطره حجّت منّانی بو چولده
شمع شهداء صاحب قرآنی بو چولده
قورخوتدوم اولان حالپریشانی بو چولده
واللهی دگول مسئله بو باره ده آسان
شرمنده قوناقم رحمتدن اوزاقم
.
.
سرمایة دین جان جهان ای گل یاسین
عفو ایله گلن حرّ پریشاندی خطاسین
تکمیل ایلیه ن سنسن آقا دینین اساسین
مجریمدی قوناقون گلیب ای درتلره درمان
شرمنده قوناقم رحمتدن اوزاقم
.
.
فخریم بودور ئوز قویسام حضورونده ترابه
چکسن قلم عفو منه گلّم حسابه
احسانی نظر ایله آقا قلبی کبابه
یاندیرما یانان قلبمی ای صاحب احسان
شرمنده قوناقم رحمتدن اوزاقم
.
.
آند اولسون آنان فاطمیه چاره قاپوندا
درمان صله سی درده گرفتاره قاپوندا
عجزیله گلوبدور دوروب آواره قاپوندا
مأیوس ایلمه غرق ایلیوب نادمی عصیان
شرمنده قوناقم رحمتدن اوزاقم
.
.
سن قؤسان اگر خالق منّان قوواجاقدور
سن قؤسان اگر شافع عصیان قوواجاقدور
سن قؤسان اگر ناطق قرآن قوواجاقدور
غیر از کرمون یوخدی منیم آیری بیر عنوان
شرمنده قوناقم رحمتدن اوزاقم
.
.
قویدی قدمون ملک سلیمانه دایاندی
وارونه سپر الده غریبانه دایاندی
اظهار ارادتله صمیمانه دایاندی
سیندیردی ئوزون خوار ایلدی فارس میدان
شرمنده قوناقم رحمتدن اوزاقم
.
.
تپراقه قویوبدور ئوزونی باتدی غباره
سلطان ولاء دن آلا تا دردینه چاره
رأفتله قوناقون ئوزونه قیلدی نظاره
فرمایش ایدوب قؤزا باشون ای حقه مهمان
شرمنده قوناقم رحمتدن اوزاقم
.
.
خوش گلمسن ای حرّ وفادار اوتانما
مظلوم اولان انسانلارا دسیار اوتانما
گوزلور یولووی احمد مختار اوتانما
چکدی سنی آسایشه قلبینده کی ایمان
شرمنده قوناقم رحمتدن اوزاقم
.
.
اذن آلدی گئدوب جانب میدانه او چولده
صدقیله وئروب خدمتی پایانه او چولده
اسلامه گوره باتدی قیزلقانه او چولده
چاتدی هدفه “ ناطقی”شایسته مسلمان
شرمنده قوناقم رحمتدن اوزاقم
.
.
#حر #محمدی_ناطق #اصحاب_الحسین #ترکی #زبدةالاشعار
نظر دهید