اربعین
..
..
..
..
..
محسن محمدی هشترودی
..
..
..
..
..
کوفه و شامی گزن حالی پریشان گلیب
دور سوروش احوالنی قلبی اولوب قان گلیب
زینبوم جان حسین
جان سنه قربان حسین
..
..
..
..
..
بولمورم هانسی غم و درد و بلادن دئیوم
محنته توش اولموشام سعی و صفادن دئیوم
یا آنامون اوغلی بو قانلو منادن دئیوم
زینبوی یاندروب آتش هجران گلیب
ویرمنه سس قارداشیم
جاری اولوب گوز یاشیم
..
..
..
..
..
غملریوه یانموشام جاری اولوب گوز یاشیم
ورطۀ طوفانیده گوردی بلالر باشیم
طاقتیمی طاق ائدوب جان جهان قارداشیم
طعنه ویروب زینبه فرقۀ دونان گلیب
باشدا قرا گلمیشم
دلده یارا گلمیشم
..
..
..
..
..
ساخلیوب عاشقلری وعده گهون یا حسین
باغریمی قان ایلیور قتلگهون یا حسین
قانه باتوب یاره لی سرسپهون یا حسین
فکر ائلمه زینبه آیریلیق آسان گلیب
وارث طاها حسین
زادۀ زهرا حسین
..
..
..
..
..
کوفه لیلر ئولدوروب اکبرلن قاسمی
سسلدیم امدادیمه گلمه دی عبّاسمی
دشمن قرآن و دین پوزدیلار اجلاسمی
خیمه لره اول زمان غارت و تالان گلیب
غملره توش اولموشام
خانه بدوش اولموشام
..
..
..
..
..
قبریوه زوّار اولوب قارداش اوغولسوزلارون
نوحه دئیور آغلیور غمزده دلسوزلارون
آیری بیر احوالده ظلم گؤروب قیزلارون
هر بیریسی شامدن سینه سی سوزان گلیب
درده دوا سنده دور
روحه غذا سنده دور
..
..
..
..
..
قربان اولوم یا حسین باشدا اولان تاجوه
ذبح اولونان حنجره قطع اولان اوداجوه
دوشدی حسین گوزلریم نیزه ده معراجوه
گوردوم اوگون نیزه ده شاه شهیدان گلیب
یادوه سالدون حسین
گوگلومی آلدون حسین
..
..
..
..
..
خانۀ ویرانه ده قالدی رقیّم حسین
طاقت و آرامیمی آلدی رقیّم حسین
آیری قرا باشمه سالدی رقیّم حسین
علّت اودور زینبون دیده سی گریان گلیب
قلبلری قان ائدوب
صبریمی تالان ائدوب
..
..
..
..
..
گلشن و گلزاریوه قربان اولوم سیّدی
رونق بازاریوه قربان اولوم سیّدی
قولسوز علمداریوه قربان اولوم سیّدی
»ناطقی» بیر گون گوره قبریوه مهمان گلیب
اوردا دیاخ جان حسین
جان سنه قربان حسین
..
..
..
..
..
کوفه و شامی گزن حالی پریشان گلیب #اربعین_محمدی_ناطق
نظر دهید