شهادت حضرت علی اصغر (ع)
.
.
#سبک_یارالی_جان_یارالی … 4 سبک
.
.
مرحوم ذوقی
.
.
کوفیان حُرمت مهمانی عجب یوخلادیلار
آتاتون اللرى اوستنه بالانی اوخلادیلار
.
.
قوزی قربانینی قیتردی حسین خیمه لره
چوخ مصیبت یتیشوب عترت خیرالبشره
آلدیلار اهل جفا ظلم و جفاسین نظره
کوفیان حُرمت مهمانی عجب یوخلادیلار
.
.
یازدیلار نامه گلوب کرب و بلایه شه دین
باغلادی نهر فراتی یوزینه لشکر کین
تشنه لب تیره نشان ایلدیلر سود امرین
کوفیان حُرمت مهمانی عجب یوخلادیلار
.
.
نه دیوم کوفه لیلردن دونوری قانه گویول
بیله فرمایش ایدوب هادی دین ختم رُسُل
اَکرِمُ الضّیف دی منظور او هادی سُبُل
کوفیان حُرمت مهمانی عجب یوخلادیلار
.
.
میهمان حرمتی واجبدی ولو کافر اولا
گلشن دهر گوروم درد و ملالیله دولا
خار اولا گل لری گل آچمیا گل غنچه سولا
کوفیان حُرمت مهمانی عجب یوخلادیلار
.
.
روزگار اهلی گرک حشره کیمی آغلیا قان
میزبان کوفه لی تک هاردا گوروب چشم جهان
بی وفالیقلارین عالمده اولار وئردی نشان
کوفیان حُرمت مهمانی عجب یوخلادیلار
.
.
باغلیوبلار کمر کینه لرین قوم عدو
آل اطهاره نه رحم ائتدیله نه وئردیله سو
سود امر بیر اوشاقا رحم اولونی رسمدی بو
کوفیان حُرمت مهمانی عجب یوخلادیلار
.
.
کوفیاندا نه دی بو ظلم و شقاوت اثرى
هانسی مذهبده دی بو اوخلیه لر سود امری
اود سالوب عالم امکانه بو محنت اثری
کوفیان حُرمت مهمانی عجب یوخلادیلار
.
.
یری وار یر یوزونی دولدورا اندوه و محن
اوخلانوب دشت بلاده او گل غنچه دهن
بولمورم اولمادی بو عالمی ویرانه ندن
کوفیان حُرمت مهمانی عجب یوخلادیلار
.
.
بولمورم بس نجه صبر ایلدی بیچاره رُباب
اصغره گوردی وئروب حرمله پیکانیله آب
آنا مشکلدی گتورسون بیله بیر محنته تاب
کوفیان حُرمت مهمانی عجب یوخلادیلار
.
.
آنا دؤزمز گوره عطشان وئروری جان بالاسی
بولمورم بس نجه دؤزدی علی اصغر آناسی
واردی حلقینده گوروب زهرلی پیکان یاراسی
کوفیان حُرمت مهمانی عجب یوخلادیلار
.
.
«ذوقی» «پُرسنگی محمددی» سنه راهنما
اودی بو نوحیه باعث اونی سن ایله دعا
سسینه سس وئر اونون بو سوزیله ایله ندا
کوفیان حُرمت مهمانی عجب یوخلادیلار
.
.
.
.
#اصغریه #ذوقی_تبریزی
#اصغریه_شهادت
#کوفیان_حرمت_مهمانی_عجب_یوخلادیلار
#ترکی
#زبدةالاشعار
زبدة الاشعار 
: @nohe_torki . شاعر؟؟؟ . شهر مدینه غرق شادی بود آن شب آکنده از بانگ منادی بود آن شب . آن شب شفق آیینه دار لطف حق بود چشم انتظار جلوۀ دست علق بود . آن شببیشتر
نظر دهید