کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم محمد خليفه عاجز گرمه رودی(عاجز سرابی)
.
کونول هر دشت آرا بیر لاله زارا تا گذار ایلر
سرشک لاله گونیله بیر اوزگه لاله زار ایلر
.
خیال ایلردیلر کیم کربلادیر بو زمان صحرا
حسینین قانی آچمیش لاله باغرین داغدار ایلر
.
دگیل قوشلار صداسی اهل بیتی باشینا زینب
یغیبدیر اوخشار، آغلار، ناله ایلر آه و زار ایلر
.
دگیل بو لاله اکبردیر، دگیل بو قونچا اصغردیر
دگیل بو ارغوان، قاسم الین قاندان نگار ایلر
.
دگیل بو سنبل تر زینب خونین جگردیر بو
حسینین نعشی اوسته زلفون آچمیش تار و مار ایلر
.
بنفشه سانما گلشنده اگیبدیر قدّینی کلثوم
باخار رود فراته دیده سینی اشکبار ایلر
.
دگیل گلشنده نرگس عابد بیماردیر خود بو
او سرو تشنه کامه گوزلرینی جویبار ایلر
.
دگیل گلشن اسیر غم، سکینه با دل پُر غم
چکر بیر ناله دلدن کیم فغانی داشا کار ایلر
.
دگیل سوسن، عروس قاسم ناکامدیر آچمیش
زبان پُر گله کیم شِکوه ی هجران یار ایلر
.
سرشک آل توک عاجز حُسینی یادا سال آغلا
علاج دردیوه اول شهریار کامکار ایلر
.
.
#کوچ_کربلا #عاجز_سرابی
#کونول_هر_دشت_آرا_بیر_لاله_زارا_تا_گذار_ایلر
#ترکی
.
✍️ #زبدةالاشعار ✍️
.
🆔: @nohe_torki
نظر دهید