کوچ از کربلا
.
زبدة الاشعار
?: @nohe_torki
.
مرحوم میرزا محمد صادق کاتب اردبیلی
.
کیمدور بو شهید عمه ، اوز قانینه غلطاندور
باشدان ایاقا جسمی ، زخم دم پیکاندور
.
ویرمیش بو قدر یاره گول پیکرینه کیملر
پیکاندان آچوب جسمی عنقا کیمی بال و پر
هئچ کافره بو ظلمی هرگز ائلمز کافر
لازمدی اولا رحمی اول کس که مسلماندور
.
ایلوبله عداوت چوخ بو سروریله اعدا
صد چاک ائلیوب جسمین خنجرلریله اعدا
انگشتینی کسمیشلر انگشتریله اعدا
باخدوم الینی گوردوم غمدن اورگیم قاندور
.
باخ یاره سینه اما ال وورما امان عمه
چوخ یاره سی وار اینجور یوخ اوندا توان عمه
دورت میندن اونون زخمی آرتیقدور اینان عمه
اوراق اولونوب جسمی چون صفحۀ قرآندور
.
باخدوقجا غم و دردیم هر لحظه گلور جوشه
گویا که بابامدور بو قان ایچره گئدوب هوشه
فکریم بودی بو نعشی بیر دم چکم آغوشه
معلومیدی بو سرور سلطان شهیداندور
.
قربانون اولوم عمه ایله منی سن آگاه
بو گوردوگوموز اولسا نعشی بابامون هر گاه
یالوارّام آلا بیرجه آغوشه منی اول شاه
تسکین تاپام شاید قلبیم چوخ هراساندور
.
زینب گوروب اول وقته آچدی قولون اول سرور
چکدی قزین آغوشه اول پادشه بی سر
باغرینا باسوب جان تک گول غنچه سینی اظهر
منظور مراعات احوال یتیماندور
.
.
#کوچ_کربلا
#کیمدور_بو_شهید_عمه_اوز_قانینه_غلطاندور
#کاتب_اردبیلی
#ترکی
.
#زبدةالاشعار
?: @nohe_torki
: @nohe_torki . #سبک_زینبم_جان_اوستیم … . مرحوم عاصی تبریزی . ای گوزوم نور ضیاسی گلمیشم آچ گوزلرون دوغرانان جسمون فداسی گلمیشم آچ گوزلرون . . سنبیشتر
نظر دهید