ورود کربلا
.
✍️ زبدة الاشعار ✍️
?: @nohe_torki
.
جوانی تبریزی
.
کربلا دور وعده گاه حضرت سبحان باجی
بوردا انصاریم اولار دینه سوسوز قربان باجی
.
.
بو دیارین واردی غوغاسی بنات حیدره
اود ویراللار کوفیان بوردا دل پبغمبره
گردش دنیا ویرر فرصت بوچولده کافره
قاره پوش ایلر سنی اشرار بی ایمان باجی
.
.
عهد و پیمان ایتمیشم روز ازل دلداریله
ترک جان و سر ایدم جاندان گیچن انصاریله
شیرخواره نوجوان یاکه قوجا سرداریله
قویمیام یتسون پیمبر دینینه نقصان باجی
.
.
بو بیاباندا قالار لب تشنه قارداشون وحید
با وفا انصاریمی ایلر عدو بیر بیر شهید
قول قولا باغلار گل اوزلی قیزلاری قوم عنید
شدت آلامیدن افغان ایدر طفلان باجی
.
.
اوج ایدرمعناده عرشه بوردان آهیله نوا
دوغرانار بو یرده شبه ختم مرسل زینبا
سینم اوسته اوخلانار شش ماه اصغر برملا
دولدورار دشت بلانی ظلم الیله قان باجی
.
.
کوفیان بوردا سالار بیحد بلایه باشیمی
دوندرللر قانه محنتدن آخان گوز یاشیمی
اولدورللر سو کنارینده سوسوز قارداشیمی
ناامید ایلر امیدیندن اونی عدوان باجی
.
.
قطعه قطعه دوغرانا جسمیم بو چولده یوخ سوزوم
غرق اولا قانه سراسر یار و انصاریم اوزوم
دینه خاطر هر بلا گلسه گرک زینب دوزوم
حفظ اولا بلکه جهاندا دینیله قرآن باجی
.
.
کینه سین ایلر علن بو چولده قوم بدسیر
ظلم الیله اهل بیتیم جامه ماتم گییر
آغلیوب اصغر آناسی اوغلونا لایلای دییر
اوچ پر اوخ قلب ربابی ایلیر شان شان باجی
.
.
باشه وئرم عهدیمی بو چولده یوخدور مسئله
یاره لی جسمیله زین اوستن یخیللام مقتله
وار گمانیم دیدیمه قدی کمان زهرا گله
باش آچا جسمیم کنارینده ایده افغان باجی
.
.
واردی دیلده بیر سوزوم ای نائب خیرالنسا
مرکب اوستن تپراقا یخسا منی قوم دغا
خنجر الده باشیم اوسته گلسه شمر بی حیا
ممکن اولسا گلمه گوداله طرف نالان باجی
.
.
آگهم بو سرزمینون غصه لی سوداسینه
چوخ مصیبت یوز ویرر محنتلی آل یاسینه
جانیمی ویرم باجی کرب و بلا ابقاسینه
قویماروق پاینده اولسون ظلمیله دونان باجی
.
.
باشلانوب ایام ماتم عالم اولدی غمسرا
ایلیوب عاشقلریم هریرده اعلان عزا
باغلیار باشه(جوانی) بو مصیبتده قرا
یالوارور قبرون گوره ایله ئوزون احسان باجی
.
#سبک_زینبم_جان_اوستیم (بیش از 4 سبک)
.
#ورود_کربلا
#کربلا_دور_وعده_گاه_حضرت_سبحان_باجی
#جوانی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید