زبدةالاشعار

کیمدی ویرانه ده بو آه شرربار چکور #حضرت_رقیه_حضرتی_ناعمی

حضرت رقیه سلام الله علیها در خرابه شام
.
✍️ زبدة الاشعار ✍️
.
?: @nohe_torki
.
علیرضا حضرتی
.
کیمدی ویرانه ده بو آه شرربار چکور
صفحۀ صورتینه گؤزیاشی جوبار چکور
.
بیر جوت آغلار گؤزی وار عشق وصفا معدنی دی
اؤزونه جذبه سی، عشّاقی گرفتار چکور
.
یئریشینده ادب و وقر و متانت گؤرونور
حوریلر گؤرماقینا حسرت دیدار چکور
.
نجبازاده دی معلومیدی رفتاریندن
شامیان خارجی آدیله ندن جار چکور
.
نقدر واردی بویوک دردی کیچیک قلبینده؟
آهی آه اوستن او غمدیدۀ ادوار چکور
.
سارالان صورتین حسرتله قویور دیواره
زینبین قلبینه مین داغ بو رفتار چکور
.
اوچ یاشی وار ولی معلوم اولونان چوخ دوگولوب
تازیانه اثریندن گئنه آزار چکور
.
سیخیلوب گوشۀ ویرانیه گؤزلردن اوزاق
اؤز الیلن ایاقیندان اگیلوب خار چکور
.
بسلنوب نازیلن امّا یازیسی غصّه لی دی
روزگاری دولانوب محنت بسیار چکور
.
یثربین آدی گلن وقتیده لبخند ویرور
کربلا آدی گلور آه او دل افکار چکور
.
چوخ باخور یوللارا گؤزلور کیمون آیا یولونی
انتظار قدمین دیده سی خونبار چکور
.
خاطراتین ایلیور خاطر زارینده مرور
توپراق اوسته اوتوروب عکس رخ یار چکور
.
شام قیزلاری دئین وقتده آدامسیز او قیزا
سو کنارینده اوزون قوللی علمدار چکور
.
گوییا آیری دوشوب سئوگولی دلداریندن
دیلده اکبر آدینی ایلوری تکرار چکور
.
گه یومور گؤزلرینی سسلوری اصغر لای لای
بوغازی یاره لی بیر طفل لبن خوار چکور
.
بیلمورم گؤزلرینون وار ولی نه ایرادی؟
چکدیگی نقش لرین صورتی نی تار چکور
.
ائله بیل سیلی ویروب گل ئوزونه بیر آغیر ال
آناسی فاطمه نون دردین او غمبار چکور
.
#حضرت_رقیه_شهادت
#کیمدی_ویرانه_ده_بو_آه_شرربار_چکور
#حضرتی_ناعمی
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  ای ایدن خراسان دیارینی رشک هر مکان یا امام رضا #رضویه_محمدرضاصادقی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی