کیم گزر کوی محبّتده صفادن دویماز #رضویه_شاجری_زنجانی

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
حاج رحمان شاجری زنجانی
.
کیم گزر کوی محبّتده صفادن دویماز
لذّت عشقی بیلن مهر و وفادن دویماز
.
تاپمیانجاق ره معنانی یانار هجر اودونا
وصل جانانه چاتان باب رجادن دویماز
.
غم دنیانی آتار باشدان ازل حقّه گوره
حقّه پابند اولا کیم آل عبادن دویماز
.
گوروسن داغ اوزاق اولماز دل بینا ایستر
بو مسلّمدی که هیچ نوکر آقادن دویماز
.
آچیلوب باب فضیلت هامی ایرانّیلارا
کیم خراسانه گئده لطف و سخادن دویماز
.
اغنیا بیت خدایه گئدر اما فقرا
یوز خراسانه قویوب حجّ رضادن دویماز
.
شیعه مشکلده قالاندا چاغورور امداده
گوز تیکر ضامن آهویه بُکادن دویماز
.
قاپوسندان الی بوش هئچ کسی قیترمز آقا
چوخ سخاوت وار او مولاده عطادن دویماز
.
هر مریضه که جواب ائتسه طبیبان جهان
گلر آلسون او شفادارشفادن دویماز
.
هر کسین اولماسا اولادی خراسانه گئدر
دیر اوز درد دلین صحن سرادن دویماز
.
یالوارار آندا وئرر اوغلی جوادین جاننا
آلمیانجاق آقادان پای او ‌نوادن دویماز
.
«شاجری» ایستدیگین یالواروب آلدی آقادان
شکر ائدرحضرت داداره دعادن دویماز
.
.
#رضویه_مدح
#کیم_گزر_کوی_محبتده_صفادن_دویماز
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki