زبانحال حضرت امام هادی(ع)
.
✍️ زبدة الاشعار ✍️
.
🆔: @nohe_torki
.
مرحوم #غمکش
.
گئنه طبعیم قوشی سیر ایلدی سامرانی
یادیما سالدی یازام دفتره بو عنوانی
.
.
وئردیلر حضرته بیر گونده خبر اهل عراق
اوجالوب کوفه و شاماتیده بیر آیری نفاق
بیر خانم باش اوجادوب ایلیوری چوخ اِغراق
او دئیور زینبم آزاده علینون قیزیام
معجزاتیمدی دلیلیم علوی اولدوزیام
.
.
خلقه ایندی او همان بانو اولوب مُرشد دین
او دئیور درس ویروبدی منه قارداشیم حسین
قالمیشام زنده قیام ایلمیشم ایندی یقین
پیروانیم اولا هر کیمسه کرامت ائدرم
هر کسون حاجتی وار گلسون اجابت ائدرم
.
.
دسته لر تیره نسوانیدن اولموشدی کنار
قاپوسین شوط ایلیوردی هامسی خُرد و کبار
حاکم مستبد اولموشدی بو تقلیده دچار
حضرت هادینون السّاعه چاتوب خدمتینه
متوکّل یتیروبدی بو سوزی محضرینه
.
.
عرض ائدوبدی آقا مبهوتم ئوزوم جریانه
زینب عمّوندی بیان ایله بو بانو یا نه
ذهنیمی سرّیدن آگاه ایله آگاهانه
نئجه افسانه‌دی تردید ائدورم بیش و کمه
سس دوشوب شهریده اطرافین آلوبدور خدمه
.
.
حضرت هادی بویوردی دیورم فاش بو دم
شامیده دفن اولونوب حضرت زینب عمّه ام
او خانم مردمی اخوال ایلیور حقّه قسم
حاضرم خلق آرا اسراری آچام فاش اولونا
سوزی باطل اولا فخر ایلمیه کج یولونا
.
.
وئردی دستور علنی تئز متوکّل اوندا
همان عورت گله بغداده به دستور دغا
گوره آیا نئجه زینبدی او عورت حتّی
گتدی مأمور او فرصت طلبی بغداده
ساده لوحان یغیلوبدی باشینا چوخ ساده
.
.
خدمت حضرته فوراً متوکّل چاتدی
دئدی تا زینب آدین بیرده اونی آغلاتدی
عمّه سی یاده دوشوب گرد عزایه باتدی
بویوروبدی خانم عمّه ام دی امامت ثمری
قوی سنه فاش ایلیوم غیبدن اکمل خبری
.
.
بیزی درّنده لر ائتمزله طعام ئوزلرینه
مهریله باخسالا گر آل علی گوزلرینه
اذن وئرمزله او حیوانلار اینان ئوزلرینه
دودمان علوی دارُالاماندی اولارا
عشقیموز هر دو جهان سرّی نهاندی اولارا
.
.
ایستوسن امتحانا چک او زن رسوانی
شیر درّنده لرونله بیلینر جریانی
متوکّل چاتوب ئوز نیّتینه مجّانی
بیر اوخیلا ایکی اهدافی سالوبدی نشانا
گتدیلر اول خانیمی شیریلر اولموش مکانا
.
.
دئدیلر دخت علی اولسان اِبا ائتمه دایان
شیر درّنده لرین اول قوناقی سن بو زمان
دگدی آهن قفسه گوزلری ائتدی هیجان
اوجادان سسلدی من قادر مطلب دگولم
عفو ایله سنده امیرا منی زینب دگولم
.
.
منی وادار ایلیوبدی بو ایشه امر معاش
قتلیمی ایلمه امضا ائدرم سعی و تلاش
زندگی ایلیرم خلق آرا آسوده یواش
متوکّل دئدی یوخ، عورتون حالین قاتدی
تا امامه گوزی دوشدی باشینا ال آتدی
.
.
بویوروب حاکم بغداده رها ایله بونی
ایندی که توبه ائدور غرق صفا ایله بونی
منه خاطر قولون آچ ایندی رضا ایله بونی
دئدی بیر شرطیله راضی اولارام بو سخنه
گیت بو آهن قفسه عفو ایلیوم منده سنه
.
.
غرّش شیرمیزی کیم ائشیدور گور علنی
بوتماشایه گلنلر ائشیدوب بو سخنی
ایستورم که تانیا مردم بیگانه سنی
گوروم آرام ائدوسن شیرلری ایندی نئجه
آچدی باب قفسی خلقه گونوز اولدی گئجه
.
.
دامنیندن یاپوشانلار دئدیلر ایوای آقا
میل ائدوب حضرت هادی صولا گه گاه ساقا
بویوروب ساکت اولون حرمت ائدیلر قوناقا
قورخمیون بولاری آرام دانیشدیرّام من
بیرینون شکوه سی وار دیلده باریشدیرّام من
.
.
وارد اولجاقین او آهن قفسه شاه جهان
اوچیده شیرلر عجزیله باخوبلار او زمان
ئوپدولر گرد رهیندن بیری ایلیوردی بیان
من قوجا شیری بو یولداشلاریم اغماض ایلمور
بو غذالر کی آتولاّر منه بولار وئرمور
.
.
لطف ائدوب حضرت هادی بویوروب دربانه
بونا آیری قفس آماده ائدون مردانه
قوجالوبدی سالون آیری یئره آیری یانه
دئیورم وای سیاست زده لر مقصدینه
وئردیلر زهر جفا جان یغیشوب لبلرینه
.
.
حضرت هادی اولوب ظلموله آخرده شهید
«غمکشا» آغلا بو غمده اولاسان روی سفید
یتیشوب موسم خلوت اوخی قرآن مجید
حضرت هادی الوندن یاپیشار محشرده
نصب ایله پرچمه مولا آدینی سر درده
.
.
#الهادی_شهادت
#گئنه_طبعیم_قوشی_سیر_ایلدی_سامرانی
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید