تسلیت آذربایجان
.
زبدةالاشعار
.
: @nohe_torki
.
سید بشیر حسینی میانجی
.
گئنه گلدون اؤرک لری
دؤندردون قانا #زلزله !
کُفرستانا چیخ گِئت، بیرده،
گلمه بویانا زلزله!
.
.
ائله‌کی گؤیده آی باتدی
شهر و کَتده هامی یاتدی
بیر ایش گؤردون یاسا باتدی،
اهل میانا زلزله!
.
.
ریشترون کئشمیشدی بِئشی
گؤتدون گؤرونمییَن خئشی
آلت‌اوست ائتدون وَرَنکشی
قیلدون ویرانا زلزله!
.
.
سن گلدون غم قلبه دولدی
چمن سارالدی گول سولدی
بلبلون سؤزی وای اولدی
دؤن باخ خزانا زلزله!
.
.
یئر تیترییَنده هر آنی
یاتان قورخار تئز اویانی
قاباقجا یاتان بالانی
گوتورَر آنا، زلزله!
.
.
هئچ کیمه چاتماسین بو پای
گوردوم بیر آنا دیور: وای
لای‌لای گلین بالام لای‌لای
یاندیم من، یانا زلزله
.
.
یانار اؤد دوشدی دیل‌لره
گؤزیاشلار دؤندی سئل‌لره
تسلیت اولسون ائل‌لره
گلمور غم سانا زلزله!
.
.
وطن چیراغی کِئشمه‌سین
کند اهلی شهره کؤشمه‌سین
گوروم یولون دای دوشمه‌سین
آذربایجانا زلزله!
.
.
اؤرَگینی داغلار بشیر
دفترینی باغلار بشیر
بیر شمع تک آغلار بشیر
یازار دیوانا زلزله!
گلمه بویانا زلزله!
.
.
#تسلیت_آذربایجان
#گئنه_گلدون_اؤرک_لری_دؤندردون_قانا_زلزله
#ترکی
#سیدبشیرحسینی
.
#زبدةالاشعار
.
: @nohe_torki
نظر دهید