شهادت حضرت زهرا (س)
.
زبدة الاشعار
.
: @nohe_torki
.
#ستار_رزاقی
.
گجیدی ظلمت غم چولقامیشدی دنیانی
فراق فاطمه پوزموشدی حال مولانی
.
فسرده حالیله اول درد و غم گرفتاری
قویوب برابره اوخشوردی جسم بی جانی
.
اوصبر صاحبی از بس یانیقلی آغلوردی
کی یاندیروردی دل سخت سنگ خارانی
.
کنار پیکر زهراده آغلاشور بالالار
سالور بو منظره درده علی اعلانی
.
خلاصه نصف شب اولدی علی صحابه لره
دیدی گلون گوتورون جسم دخت طاهانی
.
کمکلیق ایلدی مولایه با وفا اصحاب
بقیعه حمل ایده لر تا یارالی زهرانی
.
آنا جنازه سی ایودن چخاندا خردابویوک
فغانیلن یارادوبلار بیر اوزگه غوغانی
.
دئیوردیلر دل شبده هارا گیدورسن آنا
بیزیله قال بو گیجه ای محبتین کانی
.
آییردیلار بالالاردان جنازه نی ناچار
یولا سالوبلا او دردوغمه شکیبانی
.
گیدیردی دفن اولا گیزلین گیجیله دخت نبی
بوغم علیدن آلوردی توان و یارانی
.
تعجبم کی پیمبر قیزی ندن دل شب
مزاره یدی نفرله گیدوردی پنهانی
.
باخوب امام اودم یثربی گوروب خاموش
سالوبدی یادینه آه و نوای زهرانی
.
اورکلنوب دیدی راحت یاتون مدینه لیلر
کی الدی فاطمه باغلاندی بیت الاحزانی
.
غرض بتولی مزارین کنارینه یتیروب
قویوبلا تپراقین اوسته او بحر تقوانی
.
امام حسرتیله اوز دوتوبدی اصحابه
بویوردی ترک ایلیون سیز بو غملی ماوانی
.
امامین امرینه اصحاب امتثال ایلیوب
قویوبلا صحنه ده یالقیز او شاه والانی
.
قالوبدی پیکر زهرائیله علی تنها
تک ایستدی قویا قبره بتول عذرانی
.
آلوبدی یار ال اوسته یارالی دلبرینی
قویوب مزارینه اول جسم بی توانانی
.
در شفاعتی دفن ایتدی تپراق آلتیندا
ایتیردی نیمه شب ماه عالم آرانی
.
نه منظریدی خدایا بقیعیده او گیجه
کی آغلادیردی تماشاسی اهل معنانی
.
مزار فاطمه اوسته علی سیزیلدیردی
کباب ایدوردی غمی قلب شاه بطحانی
.
دیوردی فاطمه.غمدن گیدوب خلاص اولدون
ولی اسیر غم ایتدون بو زار و تنهانی
.
تمام دارو نداریم سنیله دفن اولدی
گوروم خراب اولا سنسیز بو دار دنیانی
.
منه زمانه ده هر لحظه اولموسان غمخوار
همیشه مندن اوتور چکموسن بلایانی
.
منیم ایویمده منه دوقوز ایل انیس اولدون
بو مدتی ایلدون ایوده چوخ تقلانی
.
گذشت ایله کی بو مدتده چوخ چوخ اینجیمیسن
همیشه گورموسن اهل ستمدن ایذانی
.
منیم یولومده سینون توش اولوبدی مسماره
قاپیم یاناندا چکوبسن جفای اعدانی
.
آخور عذاریمه اشگیم کباب اولور قلبیم
سالاندا یادیمه هر لحظه اول قضایانی
.
داخی زمانه ده سندن صورا چتین یاشیام
سن اولماسان داخی من نیلورم بو دنیانی
.
نه چاره.چرخ جفاجو چووردی گردیشینی
بیز اهلبیتیله ایتموب ندن مدارانی
.
توان یوخومدی دوروب دودمانیمه قییدم
چتین گلور گورم اول دار محنت افزانی
.
یازوب بو نوحه نی آغلار گوزیله «رزاقی»
جزاده تا گوره لطف شفیع عقبانی
.
#فاطمیه_شهادت
#گجیدی_ظلمت_غم_چولقامیشدی_دنیانی
#ترکی
.
#زبدةالاشعار
.
: @nohe_torki
نظر دهید