گزن ای دردینه درمان چاغیر عباسی چاغیر #عباسیه_غمکش

عرض ارادت به حضرت ابوالفضل(ع)
.
.
مرحوم غمکش
.
.
گزن ای دردینه درمان چاغیر عباسی چاغیر
ایلسون مشکلون آسان، چاغیر عباسی چاغیر
.
.
بو آقا بیر آقادی جود و کرمده الی وار
دهم ماه محرمده اولوب زینبه یار
او اوزون قولارینا گوز یاشوی ایله نثار
گوزووین یاشینی توشه ایله عقبایه آپار
او گوزل آدینه قربان چاغیر عباسی چاغیر
.
.
بونی سر لشگر ایدوبدی بلی زهرا بالاسی
ایکی شهلا گوزونون عالمه گلسین قاداسی
آناسی ام بنین شیرخدا دور آتاسی
روز اوّلدن حسین بن علیدور آقاسی
اولاسان قبرینه مهمان چاغیر عباسی چاغیر
.
.
آچیلار کرببلانین یولی گر قیلسا نظر
وئرر عشّاق حسین مردم دنیایه خبر
گیدوروک کرببلایه ایلیون سیزده سفر
بیری پرچم گوتوروبدی بیریده نوحه دیر
دیلر قورتاروب هجران چاغیر عباسی چاغیر
.
.
یازا عبّاسه قلم روضه گوزل عادتی وار
بالاجا قبریده یاتمش آقامیز علتی وار
اونی یازماقه ایشتماقه کیمون طاقتی وار
اوقدر ویردیلا یاره بالاجا قامتی وار
آناسی اولدی نواخوان چاغیر عباسی چاغیر
.
.
وطن ایچره ننه سی یولّارا تیکمشدی گوزین
ئورگی درده گلنده دیدی اللهَه سوزین
گوزونون یاشینه غرق ایلدی بوغمده یوزین
ایله کی بیلدی خانم قالمش اوغولسوز دای ئوزین
اولوب عباسینه گریان چاغیر عباسی چاغیر
.
.
دیدی عبّاس، اوغولا،بیرده یانان چوخ آتادی
یغالار عشق جهانی ننه عشقی یانادی
بالا دیسگینسه آنا، حتمی جوابی جانادی
بالا شیرین دانشاندا اوچار اولسا قانادی
دیر ئوز اوغلونا هر آن چاغیر عباسی چاغیر
.
.
آلارام اوغلووی آغوشه بالا آغلیارام
خبر آلجاق سنی مندن سینمی داغلیارام
نگران اولما نازیلا بالووی ساخلیارام
فکره گیتسه یوزومه گوز یاشیمی باغلیارام
دیرم اولما پریشان چاغیر عباسی چاغیر
.
.
داریخان وقتیده قلبی بالا گوگلون آلارام
ئوره گی شاد اولا قول بوینونا تیز تیز سالارام
گئتمرم بیر یره تک قالمیا ایوده قالارام
باخارام اوغلووا من کاسۀ صبری جالارام
دیرم آی بالا الآن چاغیر عباسی چاغیر
.
.
منه سویلر ننه دوشدوم نیه بو پیچ و خمه
نقدر عمر ایلسم آی ننه یانّام بوغمه
یاخیلوب قان گورورم دشت بلا، بو علمه
یری وار گوز یاشیمی قان ایلیم بو المه
منییله سنده نواخوان چاغیر عباسی چاغیر
.
.
#عباسیه #غمکش #عباسیه_مدح #حضرت_ام_البنین #ترکی #زبدةالاشعار