زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
مرحوم شبخیز تبریزی
.
گلديم گوزون آچ ياتما اماندور بئله عبّاس
دور قويما دوشه اورتاميزا فاصله عبّاس
.
.
دور گؤر نئجه اطرافيمی دشمن لر آلوبدور
بو چؤلده يامان درده شقاوتله سالوبدور
وحدت گمیسی ورطۀ طوفاندا قالوبدور
سندن صورا يوخ كيمسه چكه ساحله عبّاس
.
.
مقراض ستم رشتۀ آماليمی كسدی
دشمن دئمه دی ظلم بو اندازه ده بسدی
گلزاريمه بو چؤلده مخالف يئلی اسدی
وئردی بوتون آماليمی قهراً يئله عبّاس
.
.
بو چؤلده سنه باغلاديم امّيديمی ، سنده
قويدون منی گئتدون بو بيابان محنده
سندن صورا گللم بو يولی شوقيله منده
باهم چاتاريق عشقيلی سر منزله عبّاس
.
.
ای خلقتون ايثاری اولان مايۀ رشكی
گتدی سنی جانه بيلورم تشنه لر اشكی
دور پرچميوی آل اله،سال چيگنيوه مشكی
سقّا ئولومی دوشميه ديلدن ديله عبّاس
.
.
بو چؤلده عجب جام شرف باده سين ايچدون
مستانه جانيندان ال اوزوب شوقيله گئچدون
سن باطلی حقدن نه گوزل وجهيله سئچدون
چكدون خط بطلان سند باطله عبّاس
.
.
ای لشكر اسلامه صلابتلی علمدار
آل اللّهه امّيد ، منه محرم اسرار
سن سيز منيم ای قافله مه قافيله سالار
چاتماز داهی مقصودينه بو قافيله عبّاس
.
.
بو مسئله واضحدی بيلر آدم و عالم
گر ئولسه علمدار ياتار بلليدی پرچم
دور ياتما كی سندن سورا بو چؤلده مسلّم
قتليمده ائدر اهل جفا هلهله عبّاس
.
.
قانون محبت بودی كی عشق يولوندا
يار ايسته سه باشين وئره جك اوسته قولوندا
معلوميدی عشق اوسته صاغين وئرسه صولوندا
عاشق وئرر ائتمز بو عطادن گله عبّاس
.
.
بو چؤلده جفادن داغيلار جاه و جلاليم
يغمايه گئدر ، غارت اولار مال و مناليم
بوندان صورا واضحدی دوشر اهل و عياليم
بوينوندا آغير سلسله چولدن چوله عبّاس
.
.
تلّ اوسته باجون زينبيله جنگيوه با هم
ميداندا باخيرديق جدل آهنگيوه با هم
احسن دئديق آئينيوه فرهنگيوه با هم
نه گلدی سنه ايندی ياتوبسان بئله عبّاس
.
.
سن قيزلاريما قورخولی چوللرده سسيدين
اعوانيمه انصاريمه عمده نفسيدين
مشكلده قالان كيمسه لره داد رسيدين
ايندی دوشوب امّا اوز ايشين مشگله عبّاس
.
.
#عباسیه_شبخیز
#عباسیه_شهادت
#گلديم_گوزون_آچ_ياتما_اماندور_بئله_عباس
#ترکی
.
✍️ #زبدةالاشعار ✍️
.
🆔: @nohe_torki
نظر دهید