گلدی شب عاشور دوتوب عالمى ظلمت #شب_عاشورا_علومی_تبریزی

شب عاشورا
.
.
.
علومی تبریزی
.
.
گلدی شب عاشور دوتوب عالمى ظلمت
شام اهلی حسینه او گجه ویردیله مهلت
.
گویا دل اعدا کیمی ظلمت او گجه ایدی
یا اینکه شب صبح قیامت او گجه ایدی
.
وحشت دوتار آفاقی قیامت کجه سنده
آفاقی سالان خوفه حقیقت او گجه ایدی
.
دریا کیمی ایلردی تلاطم او بیابان
دنیایه سالان سایۀ وحشت او گجه ایدی
.
تشریح اولا اوضاعی مین ایل باشه یتیشمز
تاریخ بشرده شب حیرت او گجه ایدی
.
اعلان ایلدی شاه شهیدان جریانی
بیر عدّیه بازار تجارت او گجه ایدی
.
افراد منافق داغلوب قالدى مجاهد
مومن لره بیر مجلس خلوت او گجه ایدی
.
هر کس او گجه باشلادی خلوتده مناجات
بیر راز و نیاز ائتماقا فرصت او گجه ایدی
.
آخر گجه سیدی شهدانین شب وصلت
احباب دل آرایه غنیمت او گجه ایدی
.
شوقیله ویروب هر آنا اوز اوغلونا زینت
ایستگلی لره وقت و فراغت او گجه ایدی
.
اطرافینه یغموشدی حسین اهل و عیالین
دنیاده حسینه شب ظلمت او گجه ایدی
.
.
.
.
.
#شب_عاشورا #علومی_تبریزی
#گلدی_شب_عاشور_دوتوب_عالمى_ظلمت
#گویا_دل_اعدا_کیمی_ظلمت_او_گجه_ایدی
#ترکی
#زبدةالاشعار