زبدةالاشعار

بیر اربعین دوزموشم حسین رنج و زحمت اشقیایه من #اربعین_عاصی_تبریزی

اربعین
زبانحال علیا مکرمه در سر قبر امام مظلوم
.
.
مرحوم عاصی تبریزی
.
.
بیر اربعین دوزموشم حسین رنج و زحمت اشقیایه من
نصیبیم اولدی زیارتون یتموشم عجب مدعایه من
حسین دیوب چوخ دولانموشام
محنت فراقونده یانموشام
.
.
اؤزون بولورسن بومدتی چوخ اولوب حسین رنج و زحمتیم
ائدوب تحمل مصیبته درد الیندن اولموب شکایتم
ائدر منیم شرح حالیمی باشدا کی بو کاری جراحتیم
اولوب رضا هر بلایه دل وئرموشم ازلدن قضایه من
.
.
بیر عمریدور من حسین دیوب آتش فراقونده یانموشام
گئجه گونوز دست بسته من باشوین دالنجا دولانموشام
قسم بو قبر مطهّره من داخی بو جاندان اوسانموشام
تمام اولوب صبر و طاقتیم دوزموشم ز بسکه بلایه من
.
.
وجودیمی چوخ سیخوب منیم ای خلیل حق منجنیق غم
توکوب یوزه قانلو گوز یاشین اولموشام بلائیله هم قدم
اولوبدی قان گویلمون ایوی قدیمی ائدوب بار غصّه خم
مراحل عشقی طی ائدوب حال ضعفیله پایه پایه من
.
.
نه ظلملر گورموشم حسین صبر ائدوب گنه ائتمرم گله
چکدی مجلسه زار و مضطرب اشقیا منی گلمدیم دله
وئرنده جان بیر قیزون ولی نسگلى اثر ائیلدی دله
ئولوب گوزی یاشلی آج سوسوز دوزموشم بئله هر جفایه من
.
.
نه عرض ائدوم من یزیدیدن محضرونده واضحدی مسئله
عیالوی چکدی مجلسه پابرهنه قولّاردا سلسله
ساخلییوب ایاق اوسته بیزلری غیظله آلوب خیزران اله
باخوب گهی یانموشام سنه گاه حال اهل ولایه من
.
.
تمام اولان چون دگول غمیم عمریم اولسا گر یوزمین ایل دیم
گئجه گونوز شرح حال ائدم خدمتونده من متصل دیم
بو خوش دگول بزم رازیده دل آچوب سنه درد دل دیم
دوزوب اورکدن بلالره باخموشام رضای خدایه من
.
.
واریمدی بی حد تشکّریم درک ائیلدیم بو سعادتی
او قدری من قالدیم ئولمدیم تاپدیم عاقبت بئله ساعتی
دگول عبث فیضه یتماقیم صبریمون اولوب مزد أجرتی
طواف قبر شریفوی وئرمرم هامی ماسوایه من
.
.
بویور گلوب تازه کدخدا خوش صفا ائده نوعروسینه
بیر عمریدور گوز یاشی توکوب شوقمندیدی پای بوسنه
گلوب باشا فرقت عالمی تا یتوب عروس آرزوسنه
گتورموشم نوعروسنی کیم بولور نئجه کربلایه من
.
.
هانی علی اکبریم حسین تا ائده آناسینی پیشواز
غریبدور دل شکسته دور ائیلسون او نالانی سرفراز
یانندا یوخ ناقه سین دوتان کیم ائدر اونی عازم حجاز
باخوب اونا یانّام آغلارام گلموشم اودور آه و وایه من
.
.
اویان گوز آچ گور نه نوعیله گوز یاشی توکر عارضه رباب
الى اورکده سیزیلدیری آختارور بالاسین او دل کباب
علی علی سسلور آغلوری گلموری سسی وئرمری جواب
نئجه تسلّی وئروم حسین بولمورم او درد آشنایه من
.
.
بیر عمریدور که بلا اوخی اودلانان یانان سینه سین دلوب
دوزوبدی بیحد مشقته قورتولوب حسین ایندی دینجلوب
آختارور بالاسین او دل کباب سینه سینه گویا که سود گلوب
اصغریوی وئر بیر قوجاقیمه تا وئروم بالاسین آنایه من
.
.
نظاره قیل گور سکینه نون داد و شیون و آہ و زارینی
عمو عمو سسلور آختارور حسرتیله سقّا مزارینی
نشان وئره سیلی یرلرین تا ایاقنون هم قابارینی
نئجه وئروم قبرینی نشان نه دیوم او بخت قرایه من
.
.
ئولونجه واردور یری منیم عرشه چخسا گر داد و شیونیم
ندیم نه چاره دینمرم وار اورکده چوخ نسگلیم منیم
خزان اولوب ظلموله حسین بو بلالی صحراده گلشنیم
گلوم سولوب بلبلوم ئولوب دوشموشم غم و ابتلایه من
.
.
زمانه ده بیرده گولمَرَم بول داخی من آسوده یاتمارام
سنون سوسوز ئولماقووی من بیر دقیقه یاددان چخاتمارام
یارالی باشون بلاسینی بو بلالی باشمدان آتمارام
قرا گیوب رسمدور گلم روز و شب فغان و نوایه من
.
.
عاصیا یتوب عُمرون آخره جسم ناتوانون اولوب علیل
گلور دمادم قولاقیوه نالۀ جرس بانگ الرّحیل
الونده یوخ زاد راحله باری سال حسینه اؤزون دخیل
گئجه گونوز عرض ائیله شها مستمندم عالی عطایه من
.
.
#اربعین #عاصی_تبریزی #ترکی #زبدةالاشعار

متن پیشنهادی:  ائمّه گلشن عالمده تک به تک گُلدور #باقریه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی