ورود ماه محرم
..
..
..
#سبک_ویرانه_ده_نازلو_بالام
..
..
..
میرزایی زنجانی
..
..
..
..
..
گلدی محرم یا حسین صاحب زمان آغلار
باخدوقجا قاره پرچمه زهرا آنان آغلار
..
..
..
..
..
نصب اولدی قانلو کوینگون ای عالمین جانی
کرب و بلاده گنبدون اوسته آخور قانی
علت اودور عاشقلرون وار گوزده طوفانی
قاره گیوب پیر و جوان ایلر فغان آغلار
..
..
..
..
..
قانی گلوب عاشقلرین جوشه محرمدور
او قانلو میدان یا حسین گوزده مجسّمدور
هیئتدی دسته هر طرف یا قاره پرچمدور
سینه ویران زنجیر وران هر نوحه خوان آغلار
..
..
..
..
..
اعلان ایدور ماه عزا ارکان دین گریان
دنیاده غوغا باشلانوب عرش برین گریان
گوگده ملکلر نوحه گر روح الامین گریان
اسدیگجه یللر هر طرف کون و مکان آغلار
..
..
..
..
..
بیزدن سلام اولسون حسین عباس سرداره
اوز جانینی قربان ویرن قولسوز علمداره
یاس ساخلاروق عبّاسیوه بیز گیمشوک قاره
بو قاره پرچملر اولوب اوندان نشان آغلار
..
..
..
..
..
بیر دسته سسلر یا حسین شهزاده اکبر وای
بیر دسته اوخشار قاسمی وای قاره تللر وای
بیر دسته باشلار اوخلانان وای تشنه اصغر وای
حتی اوشاقلاردا ایدر اشکین روان آغلار
..
..
..
..
..
اولدی محرم آغلادور «میرزائی» دنیانی
گوزلر توکر گوزیاشینی کپریگلری سانی
هی آغلادوقجا آغلادور مجلسده زهرانی
وقتی که زهرا آغلادی کرّوبیان آغلار
..
..
..
..
..
معناده آغلار آسمان کیهاندا اولدوزلار
یللر حسینیم وای دِیر نیزارلر سیزلار
زهرا سسینه سس قوشوب آغلار اوغولسوزلار
سسلر دوشوب داغ داشلارا کون و مکان آغلار
..
..
..
..
..
گلدی محرم یا حسین صاحب زمان آغلار #ورود_محرم_میرزایی_زنجانی
نظر دهید