حضرت مسلم ابن عقیل علیه السلام
.
✍️ زبدة الاشعار ✍️
?: @nohe_torki
.
حاج اصغر فرشچی (عدلی تبریزی)
.
گلدی چاتدی کوفیه مسلم سفیر شاه دین
کوفه اهلین متّحد گوردی ازل عین الیقین
.
دفتر توحید آچوب ال قویدی دین تبلیغینه
یازدی نامه گل حسین سنسن امام العارفین
.
بولدوروب نامه یازانلار داخل بیعت دیلر
قول و فعلی دوزدی فعلا منتظر دور مؤمنین
.
قاصده ویردی یازولموش نامه نی دوشدی یولا
حیف اولا کسدی یولون یولدا بیرعدّه مُلحدین
.
بولدی تا ابن زیاد آلدی اله اول نامه نی
وحشته دوشدی اودم اعلان ایدوب شوم و لعین
.
تابع مسلم اولانلار مجرم اولموش اولماسون
جانینی آللوخ کیم اولسااوّلین وآخرین
.
چرخش دورانه اُف اولسون چونوب گون مسلمه
داندیلار نامه یازانلار یوز چوردی مسلمین
.
اقتدا ایتموش نمازه بیر گجه انبوه خلق
قورخی دوشدی جانلارا ترک ایدّولرالله اوین
.
تا ویروب آخر سلامی قالمادی حتّی بیری
باخدی گوردی مسجد ایچره قالدی تنها بی معین
.
بیر نفر جان قورخوسوندان منزله یول ویرمدی
قالدی مسلم مات و حیران قاصد دین مبین
.
عاقبت بیر ایو تاپوپ تامین ایده امنیتین
ایو ویرن بیر عورت اولدی خوب سیرت دل غمین
.
صبحه تک مشغول اولوب معبودیله قیلدی نماز
نائب خاصّ امام و سرور اهل یقین
.
صبح آچلدی اولدی آماده ایده جاندان دفاع
لشگری گوردی محیط ایتموش ایوی دللرده کین
.
تا آلوب شمشیر اله روبه صفت لر قاشدیلار
سسلیوب الله اکبر غالب اولسون کفره دین
.
جنگه گلموش لر بیر آز جنگ ایلیوبلرشیریلن
فکر ایدوبلر شیریلن روباه اولار با هم قرین
.
نقشه چکدی دشمن آخر بیر چوخور یر قازدیلار
حیلتیله سالدیلار اولدی شکار مفسدین
.
دست بسته گتدیلر ابن زیاد گور جاق ویروب
بی نهایت دل یاراسی دور برده خائنین
.
چوخ جسارتلن دیردی هاردا قالموش بس حسین
دادیوه گلسون خلاص ایتسون سنی ای دل حزین
.
مسلمون اولموش جوابی اول لعینه بولمورم
بحث طولانی اولوب مجلسده بحث کفر و دین
.
عاقبت نه نوعلین اولدور دولر اولدی شهید
بیر اوجا یردن دوشن بولدی و بیر جان آفرین
.
«عدلی» بسدی مسلم احوالین قوتار یاز مختصر
لکنتون وار صحبتونده باز هم صد آفرین
.
.
#مسلمیه
#گلدی_چاتدی_کوفیه_مسلم_سفیر_شاه_دین
#عدلی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید