حالات امام حسین (ع) در سخاوتش
.
.
مرحوم غلامعلی باقری الهام (هوشی تبریزی)
.
.
.
گلدی گینه بهارهوا اولدی خوشگوار
عالمده اولدی صنع خداوند آشکار
.
گللر آچوبدی صحنۀ گلشنده رنگ رنگ
سطح زمین چوخلد برین اولدی مشکبار
.
بیر یاندا چکدی باش فلکه سرو بوستان
رخت زمرّدین گییونوب دشت و کوهسار
.
بیر یاندا باشلیوبدی هزاران هزارهنگ
مین شوق دلده اولدی گل اوستونده نغمه سار
.
بیر یاندا نرگس آچدی گوزون با هزارناز
بیر یاندا برگ لاله عجب اولدی ژاله دار
.
ایّام هجر گیتدی هامی تاپدی دلبرین
آغوشنه چکوب هره بیر یار گل عذار
.
امّا منیم آچولمادی بوقان اولان دلیم
مین گل آچولدی گرچه جهان اولدی نوبهار
.
او ز فکریمله غرقۀ بحر ملالیدیم
گوندوزگوزومده اولموشدی همچولیل تار
.
ظلمات درد وغصّه ده حیرانیدیم اوزوم
اشگیم آخاردی عارضه امّا ستاره وار
.
ناگاه ویردی هاتف غیبی ندامنه
اگلشمه بیله غمزده اول بیرجه هوشیار
.
ویر دامن حسینه گینه چنگ التجاء
باخما سالوب فشاره سنی دور روزگار
.
بیر شاه دورکه شهلر اونا عبد وبنده دور
محتاج دور قاپوسونا شاهان تاج دار
.
چرخ سخاده نیّر تابنده دور یوزی
بحر عطاده گوهر و دُرّ گران عیار
.
گنج کرامتین بو کلید سخاسی دور
ملک صداقته بودی شاینده شهریار
.
بیر سائلی جهانیده مأیوس ایتمیوب
یکسر جهانی لطفیله ایلوبدی کامکار
.
اثباتینه اگر بو سوزون شاهد ایستسن
بیرشمّه عرض ایدوم ولی بر وجه اختصار
.
شیخ محدّث قُمی اول عالمِ کبیر
ایلوب کتاب منتهی آلامالیده نگار
.
یثربده گلدی بیر گونی بیر سال عرب
دلده واریدی لطف و کراماته انتظار
.
باب کرامت آختاروردی اوناویردیلر نشان
سلطان کربلا قاپوسون تا سالوب گذار
.
بیرنچه شعر او حضرتین حق سخاسینه
ایراد ایدوب سخاوتینی اولدی خواستار
.
مشغو لیدی نمازه شهنشاه مشرقین
باشه ویروب نمازینی اول شاه تاجدار
.
یوز دوندروب غلامینه فرمایش ایلدی
مال حجازیدن قالان آیا بو یرده وار
.
عرض ایلدی غلام که واردور اومالیدن
دروت مین دراهم ای شرف عترت طهار
.
فرمایش ایتدی حاضر ایله اول دراهمی
گتدی غلام آلدی شهنشاه دین تبار
.
بیر بُرده بوکدی سرور خوبان او مبلغی
دوردی قاپو دالیندا او محبوب کردگار
.
بیر نو عیلن آچوب قاپونی اول ولی حق
سائل مباد اولا اونی گورنده شرمسار
.
ایتدی عطا او سائله خجلت چکه چکه
در ضمن ایتدی بیر نچه شعریله اعتذار
.
آلدی عرب او زرلری بیر باخدی آغلادی
توکدی سرشگ شدتیله اولدی اشگبار
.
سلطان دین عربده او حالی گورن زمان
فرمایش ایتدی رأفتیله اول بزرگ وار
.
بو اشگبار اولما قیوین وار نه علّتی
آیا آز اولدی تحفه میز ای مرد دلفکار
.
ویردی جواب عرب او شهنشاه عالمه
ای زینت سما و زمین عرشه گوشوار
.
لطفوزچوخ اولدی شکرونه من دلدن عاجزم
ایتسون زیاده نعمتوزی حیّ کرد گار
.
صدحیف که بو الی گیده جاق توپراق آلتونا
بو ماجرا سببدی بیله گوزیاشیم آخار
.
اعرابی آلدی هدیه سینی گیتدی دورمادی
سالدی بو سوز ولیک منیم جانیمه شرار
.
ایکاش عرب گلیدی بلا قتلگا هینه
بو اللرین گوریدی که نه ماجراسی وار
.
یاصاحب الزمان و ایا شهریار دین
ای ذلفقار صاحبی وی ختم هشت وچار
.
بو اللره نه ظلم ایلدی ساربان دون
قویموب آناسی فاطمه ده صبرو اصطبار
.
واضح بیان ایتما قا یوخ دور جسارتیم
نه جرأت ایتدی نصف شب اول دون ونابکار
.
امّا گلنده قتلگهه زینب حزین
بیرنوع تاپدی قارداشین اول زار ودلفکار
.
گوردی نه وار بدنده باشی نه بلکده اَل
جسمین سویوبدی ظلمیله اشرارکین شعار
.
اوّل اوتوردی نیزه قلج اوخ سنقلارین
بیر بیر او پاره پاره بدندن ایدوب کنار
.
جان تک چکوب کناره اوگل تک جنازه نی
گلدی فغان وداده گل اوستونده چون هزار
.
سسلندی آچ گوزون یارالی قارداشیم اویان
ای گل جنازه سی هدف تیر آبدار
.
قان ایچره یاتما نازیله ای تشنه جان ویرن
دور اول بو غم گونونده منه یارو غمگسار
.
خندان اولوبدی گل بدنین یرده گل کیمی
بسکه ویروبدی زخم جفا قوم کین شعار
.
سانسیز دگوبدی یاره بوصد پاره پیکره
جسمون اولوبدی یارئیله گلشن بهار
.
قانی آخوبدی پیکریون کربلا چولون
گلزاره دوندروبدی ایدوب طُرفه لاله زار
.
عطر وطراوتین بورویوب یکسر عالمی
الدن آلور شمیم فرح بخشون اختیار
.
باد صبا دگنده بو گلشنده گل لره
ایلور جهانی سربسر عطریویله مشگبار
.
خوشرنگ گللرین بزیوب صحن گلشنی
صدحیف ایدوبدی دست جفا همنشین خار
.
منده بو گلستانیده شوریده بلبلم
لازمدی عندلیب اولا گل اوسته نغمه سار
.
یتمز تمامه زینب غم دیده محنتی
چوخ طول ویرمه(هوشی)سوزی ایله اختصار
.
غم چکمه عرصه گاه قیامتده خرج اولی
درّ گران بها یرینه نظم کم عیار
.
#حسینیه_مدح
#قتلگاه
#گلدی_گینه_بهار_هوا_اولدی_خوشگوار
#هوشی_تبریزی
#ترکی
نظر دهید