گلشنده گلون عطری گلستانه گوزلدور #اصغریه_علی_اکبری

شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
علی اکبر علی اکبری اُشتبین
.
گلشنده گلون عطری گلستانه گوزلدور
گل بسله ماق الحق که هر انسانه گوزلدور
.
.
گل مظهر احساس و لطافتدور ازلدن
عاشق لره بیر منظر زینت دور ازلدن
اهل دل اوچون باب فضیلت دور ازلدن
اما هامودان آرتوخ او باغبانه گوزلدور
.
.
مشکل او زماندور که او گلشن اودا یانسون
ظلمون یلی اسسون بیله گلزاره تالانسون
بیر غنچه سوسوزدان او گلستاندا سارالسون
والله سو یتورماق بو گلستانه گوزلدور
.
.
حتماً که او باغبان چالشار سو اله گلسون
چون غنچه ده دل یوخدی که آچسون دله گلسون
ناچاریدی آخرده ئوزی مقتله گلسون
فرمایشی ده لشگر عدوانه گوزلدور
.
.
فرمایش ایدوب لشگره ای قوم ضلالت
واردور نقدر سیزده مگر کین و عداوت
الدن گیدور اصغر سو وئرون تا اولا راحت
سو یتسه یقین بو لب عطشانه گوزلدور
.
.
شام اهلی دگوب بیر بیرینه اولدی مکدّر
آز قالدی که شورش دوشه اول صحنیه یکسر
سعد اوغلی دیدی حرمله دور ایلمه تأخیر
اوچ شعبه لی اوخ بو قوزی قربانه گوزلدور
.
.
سرعتله گلوب اوخ هدفه اولدی نشانه
نازک بوغازین بیشدی قانین ائتدی روانه
مظلوم آتاسی باخدی او قانه یانا یانه
بو قان دیدی اول عهدیله پیمانه گوزلدور
.
#اصغریه_علی_اکبری
#اصغریه_شهادت
#گلشنده_گلون_عطری_گلستانه_گوزلدور
#ترکی
.
✍️ #زبدةالاشعار ✍️
.
🆔: @nohe_torki