زبانحال حضرت زهرا (س) در دیر راهب به سر مقدس امام حسین (ع)
..
..
مرحوم سعدی زمان
..
..
گلموسن بُلدوم قوناق سن دیر ترسایه اوغول
گورماقا قانلو باشون گلدیم کلیسایه اوغول
..
..
کوفه ده اشکیله ویردیم باشیوه بیر شستشو
باشیوی بیرده گوریدیم چوخ ایدردیم آرزو
خلد اعلادن بورا گلماقدا منظوریمدی بو
زلفیمیله باشیوه بیرده سالام سایه اوغول
..
..
نیزه باشیندا گونوز یوردی سنی شمر و سنان
رحم ایدوب مهمان ایدوب اما گیجه انجیلیان
طعنه قرآنه وورا انجیل ذیحقدور عیان
ناطق قران باشی مهماندی ترسایه اوغول
..
..
ای گوزوم نوری گوروب بیر باشدا کیم بیله بلا
گه کول اوستونده یاتا گاهی اولا زیب جدا
گه گوره ضرب فنر گه داش وورا اهل جفا
تاب ایدر بیر باش نجه بیر بیله ایذایه اوغول
..
..
دیدیوه گلمیشدی مطبخده مسیحا چرخدن
بازدیده گلمیسن عیسایه کنج دیره سن
سندن اؤتری گلمیشم خلوتگه اغیاره من
آچ گوزون خوش گلدون ایله سنده زهرایه اوغول
..
..
بو گیجه راحت سن ایلوب ارمنی حرمت سنه
آدی مسلم صبح آچیلسا چوخ ویرر زحمت سنه
یوزویرر شاماتده چوخ درد و چوخ محنت سنه
داش ووراللار باشیوه ذکر ایله سن آیه اوغول
..
..
حرمتون هتک ایلیوبلر کوفیان بدسرشت
باشیوه منزل ویروبلر گه تنور و گه کنشت
دیدیوه یکسر نزول ایلوب خواتین بهشت
باخ یانیمدا مریم و سارا و حوّایه اوغول
..
..
آیریلوبسان زینبوندن ای امام مشرقین
قیزلارون گوزدن سالوبسان اشگ تک ای نور عین
شمر الینده قویموسان بیکس عیالون یاحسین
عترتون یکسر گلوبلر شور و غوغایه اوغول
..
..
گر چه سن مأمورسن ترویج دین و مذهبه
راهبین ارشادی شاهد دور اساس مطلبه
باخ آنان زهراده امّا ذکر یارب یاربه
گور نجه اوج ایلر آهی عرش اعلایه اوغول
..
..
سینمه گل ای عزیزیم ، روحیم ، آرام دلیم
صورتوندن گرد و خاک راهی زلفیمله سیلیم
سن منی دیندیر ، داخی دوتمور منیم هرگز دلیم
قویما اوج ایتسون فغانیم ، طاق مینایه اوغول
..
..
حالیوه اوغلوم «حسینی» متّصل ایلر نوا
بیر دواسیز درده مدّتدور اولوبدور مبتلا
وئرمیشم رویاده وعده صبر ایده وئرّم شفا
سنده منده ایتمروق محتاج اطبّایه اوغول
..
..
#دیر_راهب #سعدی_زمان #ترکی #آثارالحسینی1 #زبدةالاشعار
نظر دهید