گلموسن بو ویرانه منزله بلمگه اگر من هارالیام #حضرت_رقیه_تقایی_اردبیلی

گفتگوی دختر یزید باحضرت رقیه (ع)
سوال دختر یزید : #ای_غزال_زیبا_خرابه_ده_گلمیشم_گورم_سن_هارالیسان
جواب حضرت رقیه (س) : #گلموسن_بو_ویرانه_منزله_بلمگه_اگر_من_هارالیام
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
مرحوم تقایی اردبیلی
..
..
..
جواب حضرت رقیه (س) به دختریزید
..
..
گلموسن بو ویرانه منزله بلمگه اگر من هارالیام
اصلمیز بیزیم یثرب اهلی دور ظاهراً ولی کربلالیام
..
..
..
..
باخما قولّاریم باغلیدور منیم ای ستمگر پست و بی حیا
تاج و تختوزی من بر آهیله شهر شامیده ایلرم فنا
من رقیه ام نازیله منه پرورش ویروب شاه کربلا
شاهزاده اکبر عزیزیَم یثربون گوزل بیر غزالیام
..
..
..
..
گلموسن بو ویرانه منزله عزّ و جاهیله طمطراقیله
صحبت ایتمه که حاضر اولموسان بو انیس درد و فراقیله
قوی جوابیوی من ویروم سنون ظلمیله سارالمش دوداقیله
گور بو خردا سنیله من نجه شمر دون الیندن بلالیام
..
..
..
..
بلدیکه او ظالم چوخ ایستیورهامی قزلاریندان بابام منی
گوشواره می آلدی ظلمیلن غارت ایلین وقته خیمه نی
قولاریم آچوب گر نشان ویرم قمچی نقشه سی آغلادار سنی
ویرمرم نشان چون ادبده من خیرة النّسانون مثالیام
..
..
..
..
گرچه من اسیرم بو محبس اشقیاده قول باغلى قالمیشام
کهنه بیر قبا اگنیمه گیوب باخما باشیمه قاره سالمیشام
فخریدور منه درس عصمتی اوز وفالی عمّه مدن آلمیشام
چون مرید پیر شریعتم حکم شرعه چوخ چوخ وفالیام
..
..
..
..
من اوزومده بیر شاهزاده ام شمر دون پوزوبدی جلالیمی
دستبندیمی غارت ایلیوب قانه دوندروب اشک آلیمى
اللرى شل اولسون او ظالمون نیلی ایلیوب مه جمالیمی
خارجی قویوب آدیمی منیم بلمیور گلن من مارالیام
..
..
..
..
شامیده دونوب شامه گوندوزوم وار یوزومده حسرتله گوز یاشیم
سنّیم آزدی اما بو دهریده چوخ بلالره توش اولوب باشیم
کربلاده قربان کسیلدیلر تشنه لب منیم قوم و قارداشیم
قاره پیرهن گیمشم اودور هرگلن بیله من عزالیام
..
..
..
..
هر جفا ایده اشقیا منه جور و کینه دن ایتمرم گله
صبر درسینی عمّه م اورگدوب ضرب سیلیدن گلمرم دله
وورسا بوینوما بو دوشاخه نون اوسته شمر دون آیری سلسله
شِکوه ایتمرم صابرم گینه شاهزاده اکبر مارالیام
..
..
..
..
آهوی حریم امامتم رحمسیزدی صیاد کینه جو
درک ایدر یوزومدن ملالیمی دقتیله کیم باخسا موبمو
تنگه گلمیشم بو خرابه ده دل یاراسی چوخ چوخ ویروب عدو
کشف ایدوب دیسم سرگذشتیمی درک ایدن بلر ماجرالیام
..
..
..
..
برج عصمته بو خرابه ده گرچه بیر درخشنده کوکبم
ماه عصمت عمّم دى من ولی دوره سینده سیّارۀ شبم
بو قدر شهامت که منده وار جمله سینی مدیون زینبم
زینب عمّه مون مکتبینده من گور نه نوعی شاگرد عالیام
..
..
..
..
#حضرت_رقیه #تقایی_اردبیلی #حضرت_رقیه_شهادت #ترکی #زبدةالاشعار